Andlát á Íslandi hafa stóraukist eftir að byrjað var að sprauta Covid tilraunaefnum í fólkið sbr. upplýsingar frá Hagstofu Íslands.

Landlæknisembættið heldur því þó enn fram að sprauturnar komi í veg fyrir alvarleg veikindi og dauða af völdum Covid og hvetur fólk til að halda áfram að mæta í „örvunarbólusetningu.“ 

Á síðunni Covid.is má sjá að eldri hópar, þeir sem aðallega hafa látist af Covid, eru nánast 100% „bólusettir.“ Hvers vegna eru þá svo margir í þessum hópum að deyja af Covid?

Í febrúar og mars á þessu var met í dauðsföllum hér á landi. Á fyrstu þremur mánuðum ársins létust 760 mann. Ekki hafa jafn margir látist á einum ársfjórðungi frá því að Hagstofa Íslands byrjaði að birta tölur um andlát eftir ársfjórðungum árið 2010. Í janúar og febrúar á þessu ári var einnig byrjað að gefa þriðju sprautuna, eins og sjá má í töflunni hér á Covid.is. Með öðrum orðum, metdauðsföll urðu á landinu um það leyti sem þúsundir Íslendinga fengu svokallaða „örvunarsprautu“.

Óskað eftir bólusetningastöðu hinna látnu

Fréttin óskað eftir upplýsingum frá landlæknisembættinu um bólusetningastöðu hinna Covid látnu, eins og áður var hægt að fá hjá embættinu og birtar voru á vef Landspítalans.

En samkvæmt svari Kamillu S. Jósefsdóttur, yfirlækni bólusetninga hjá landlæknisembættinu fær embættið ekki lengur þessar upplýsingar, þ.e.a.s. andlát vegna Covid með persónuupplýsingum, og því sé ekki hægt uppfæra töfluna. Embættið fær nú aðeins uppgjör á dánarvottorðum þar sem Covid kemur fram, en ekki með kennitölum og því ekki hægt að flétta upp bólusetningastöðu við andlát, segir í svari Kamillu.

Með öðrum orðum, embættið sem sér um og ber ábyrgð á bólusetningum landsmanna fær ekki lengur upplýsingar um bólusetningastöðu þeirra sem látast af völdum Covid.

Upplýsingaóreiða landlæknisembættisins

Í maí sl. fékk Fréttin.is tölur yfir Covid andlát eftir bólusetningastöðu frá landlæknisembættinu þar sem sundurliðunin var: Óbólusettur, Tvær sprautur, Þrjár sprautur.

Sérstaklega hafði þó verið óskað eftir því að sundurliðunin innihéldi einnig liðinn Engin sprauta. Kjartan H. Njálsson aðstoðarmaður landlæknis staðfesti þó í svari sínu að „skilgreining sóttvarnalæknis væri nokkuð einföld. Óbólusettir væru þeir sem ekki hafa fengið sprautu.“

Aftur á móti kom síðar fram í svari Kamillu S. Jósefsdóttur að óbólusettir væru þeir sem hafa alls engar bólusetningar fengið EÐA fengið bólusetningu innan við 14 daga frá því að þeir fengu fyrstu bólusetningu þegar þeir greinast með COVID-19.

Taflan sem Fréttin fékk afhent í maí er því ekki rétt, óbólusettir eru ekki endilega þeir sem hafa enga sprautu fengið sbr. fullyrðingu aðstoðarmanns landlæknis. Þessi aðgreining er þó mikilvæg því algengt er að fólk fái Covid fljótlega eftir að hafa fengið sprautu.

Upplýsingar sem embættið sendi frá sér í maí sl. eru því rangar og ekki samkvæmt því sem Fréttin óskaði eftir, og upplýsingar sem óskað er eftir í dag varðandi bólusetningastöðu hinna Covid látnu eru ekki til samkvæmt svörum embættisins.