Hallur Hallsson skrifar:

FTX Crypto skandallinn skekur Ameríku en félagið var tekið til gjaldþrotaskipta eftir að tug milljarðar dollara hurfu líkt og dögg fyrir sólu. Frumkvöðull FTX er þrítugur Bandaríkjamaður Sam Bankman-Fried. Tímaritið Fortune var nýlega með stóra forsíðumynd af Bankman sem næsta Warren Buffet Ameríku. Ein stærsta íþróttastjarna Ameríku, Tom Brady var andlit FTX Crypto. FTX markaðurinn var ein risastór Ponzi þvottavél, nú úrbrædd. FTX annar stærsti crypto markaður veraldar var reistur á lygum. Vesturlönd eru tálsýn, spilavíti. Markaðsfirma FTX  var Alameda sem ásamt FTX verður tekið til rannsóknar vestanhafs vegna um $14B – 14 milljarða dollara sem fluttir á milli. Eftirlitstofnanir þingsins hafa boðað rannsókn í næsta mánuði en þeir sem eiga að rannsaka þáðu fé frá FTX en í raun rannsaka sjálfa sig. Washington er gerspillt. Bankman hefur ekki verið handtekinn.

Réttarhöld yfir hinum ríku og frægu

Réttarhöld hófust í vikunni í Flórída. Málshöfðanir voru teknar fyrir í Southern District Court Flórída síðastliðinn þriðjudag, þar sem frægir íþróttamenn og félög eru sótt til greiðslu skaðabóta fyrir að afvegaleiða fjárfesta: Tom Brady, Shaq O‘Neal, Stephen Curry og Golden State Warriors þurfa að svara fyrir blekkingar til fjárfestinga í crypto FTX. Larry David, skapari Seinfeld er líka á lista. Þetta eru nöfn sem Íslendingar þekkja, en fleiri sitja með þeim á hinum harða bekk dómsalar í Flórída.

FTX skandallinn verður tekinn fyrir þingnefnd Fulltrúadeildarinnar: Financial Services Commitee í desember. Þingkonan Maxine Waters er vinkona Bankman. Waters leiðir „rannsókn“ á Bankman og FTX! Waters er meðal þeirra sem þáði fé frá Bankman. Aðspurð sagði hún við fréttamann: „Bæði Demókratar og Repúblikanar þáðu fé.“ Washington er á kafi í skandalnum, gerspillt: „Því miður er gjaldþrotið aðeins eitt af mörgum tilfellum þar sem markaðir crypto gjaldmiðla hafa hrunið. Unfortunately, this event is just one out of many examples of cryptocurrency platforms that have collapsed just this past year,” hafði The Hill eftir Waters. Já, óheppilegt. Milljónir hafa glatað sparifé sínu upp á næstum 5.000 milljarða króna ... óheppilegt. Waters er rannsakandi og þiggjandi fjármuna frá vini sínum.

FTX Bankman Waters

Þvottavél Biden í Úkraínu

Joe Biden forseti og þingið hafa sent $91B – 91 milljarð dollara til billjónerans Volodymyrs Zelinsky forseta Úkraínu þar sem féð var þvegið í peningaþvottavél FTX og streymdi til baka til Ameríku. Þið reiknið! Þar á meðal voru tveir milljarðar króna frá Katrínu Jakobsdóttur og Íslandi. Enginn veit hvað varð af fénu. Þann 3. mars síðastliðinn skýrði Washington Post frá því að Crypto viðskipti FTX færu í gegn um Úkraínu. Bankman var fimmti stærsti fjárgjafi í kosningasjóð Joe Biden í kosningunum 2020. Bankman var annar stærsti fjárgjafi í sjóði demókrata á eftir George Soros. Í kosningunum á dögunum fengu framboð Demókrata $40M – 40 millljónir dollara frá FTX í gegn um Úkraínu. Bankman vinur Bill Clinton og Tony Blair nátengdur World Economic Forum í Davos, boðberi loftlagshelvítis Sameinuðu þjóðanna og boðberi þess að fólki láti sprauta sig fyrir næsta faraldur.

Styrjaldir farvegur peningaþvættis

Styrjaldir Ameríku á þessari öld hafa verið farvegur peningaþvættis. Skrúfað var fyrir peningaþvætti í gegn um banka eftir hrunið 2008, svo finna varð nýja leið. Með Úkraínu-stríðinu voru tugmilljarðar dollara sendir til Kænugarðs sem fjárfesti milljarða í FTX crypto gjaldmiðli og flutti þannig til Ameríku, meðal annars í ólögleg kosningaframlög demókrata. Miklir fjármagnsflutningar til Bandaríkjanna að undanförnu hafa vakið athygli.

Stærsta Ponzi svikamylla sögunnar

Ponzi svikamylla Bankman er hin stærsta í sögunni. Hin vestrænu hagkerfi standa á brauðfótum; japanska yenið, evrópska evran og breska pundið og nú í vaxandi mæli bandarískur dollar. Pappírssnifti í evrum, pundi, dollar eru sífellt veikari nú þegar efnahagur Vesturlanda er að hruni kominn. Gjaldmiðlar sem styðjast við hráefni gull, olíu, góðmálma munu standast álagið. Hvað verður um íslensku krónuna í hrunadansinum framundan? Árið 2008 var Bernie Madoff afhjúpaður og afplánar 150 ára fangelsi. Bankman hins vegar nýtur verndar hinna voldugu.

Bankman, Tony Blair og Bill Clinton

Auglýsing Tom Brady: I‘m in

Tom Brady hjónin var andlit FTX svo sem sjá má í meðfylgjandi auglýsingu: I‘m in! Svikamyllan sogaði til sín 32 milljarða dollara í FTX hítina í Úkraínu – eru það ekki tæpir fimm þúsund milljarðar króna. Verða hinir ríku og gráðugu látnir gjalda fyrir sviksemi sína? Minnir á keðjubréfin íslensku fyrir hálfri öld.