Eins og Fréttin sagði frá í gær var tælenska krónprinsessan Bajrakitiyabha flutt í skyndi á sjúkrahús á miðvikudagskvöldið eftir að hún hneig niður í kjölfar hjartaáfalls.

Bajrakitiyabha er 44 ára og fyrsta í röð erfingja krúnunnar. Hún hafði verið á æfingu þegar hún fékk hjartaáfallið.  Heimildir herma að tilraunir til endurlífgunar á sjúkrahúsinu hafi ekki borið tilætlaðan árangur.

Heimildir herma að hún sé látin, en hugsanlegt sé að líkama hennar sé haldið „lifandi“ þar sem hún sé heiladauð í kjölfar hjartaáfallsins. Þá herma heimildir að konungsfjölskyldan hafi ýmsa hagsmuni af því að tilkynna andlát hennar ekki strax. 

Á substack síðu sinni segir baráttumaðurinn Steve Kirsch að prinsessan hafi verið „bólusett“ með C-19 tilraunaefnunum eins og um 81 prósent tælensku þjóðarinnar.

Þá beri það merki um alvarlega hjartaáverka að ekki hafi tekist að bjarga prinsessunni. Það sé líka sjaldgæft að einhver svo ungur, sem hefur aðgang að bestu læknishjálp, deyi með þessum hætti. Konungsfjölskyldan fer reglulega í læknisrannsóknir.

Steve Kirsch segir í grein sinni, þar sem hann gengur út frá því að krónprinsessan sé látin, að hann efist stórlega um að fram fari almennileg krufning til að ákvarða dánarorsök og útskýrir hvers vegna.

Hann segist halda að því miður verði ekki framkvæmd krufning með réttum hætti vegna þess að það myndi drepa bóluefnáætlunina um allan heim. Það verður gríðarlegur þrýstingur á að EKKI verði upplýst hvað raunverulega olli dauða hennar, segir hann.

Þá mun konungsfjölskyldan ekki vilja líta illa út fyrir að hafa ýtt undir og hvatt til notkunar „bóluefnisins“ eins og hún hefur gert. Ef það fer ekki fram krufning með réttum hætti til að finna sanna dánarorsök, þá segir það þér nokkurn veginn allt sem þú þarft að vita, segir Kirsch.

Hins vegar gæti konungsfjölskyldan auðveldlega tryggt að krufningin sýni ekkert með því að hóta fólkinu sem stundar rannsóknina, svo ég er ekki viss um að jafnvel þótt þeir myndu kryfja að það kæmi niðurstaða. Svona skyndileg dauðsföll munu halda áfram, bætir Kirsch við.

Kirsch vísar einnig  í blaðagrein Financial Times þar sem kemur fram að í Tælandi sé 15 ára fangelsisrefsing fyrir að gagnrýna konung, þess vegna vilji enginn benda á þá staðreynd að konungurinn sjálfur hagnist á „bóluefninu“ Þess vegna eru litlar líkur á þeir geri krufningu, segir Kirsch.

Tælenski konungurinn á fyrirtækið Siam Biosecience sem framleiðir C-19 „bóluefni“ fyrir Tælendinga og hefur Thanathorn Juangroongruangkit þingmaður í stjórnarandstöðu verið ákærður fyrir að benda á spillingu í kringum framleiðslu „bóluefnisins“.

Fréttin sagði frá því fyrir skemmstu að krufningar séu nauðsynlegar til að ákvarða hvort Covid-19 „bóluefnin“ séu orsök skyndilegs og óvænts dauða. Þá verða þessar krufningar að vera framkvæmdar af óhlutdrægum sérfræðingum.

Þess má einnig geta að Tæland kom fram með fyrstu rannsókn sinnar tegundar um tengsl hjartavöðvabólgu í börnum og unglingum og Pifzer „bóluefnisins.“ Hér má lesa nánar um rannsóknina.