Facebook lokaði á verkfræðing sem birti veðurgögn frá Þjóðskjalasafni Íslands

frettinLoftslagsmál, Veður4 Comments

Friðrik Hansen Guðmundsson verkfræðingur sagði frá því á Facebook sl. sumar að hann hafi sumarið 2020 farið inn á Þjóðskjalasafnið og náð þar í PDF útgáfu af tímaritinu Veðráttan sem Veðurstofa Íslands gaf út frá árunum 1924 til 2005. Þar er að finna upprunalegu hitamælingarnar sem safnað var saman á veðurstöðvum um land allt á þessum árum.

Hann sló inn þessar hitamælingar fyrir nokkrar veðurstöðvar og birti sem línurit á Facebook og dreifði víða.

„Þessar upphaflegu hitamælingar eru ekki í samræmi við þær hitamælingar sem í dag er að finna á heimasíðu Veðurstofu Íslands. Veðurstofan hefur breytt öllum þessum hitamælingum í þeim tilgangi að sanna tilgátuna um hlýnun jarðar af mannavöldum. Það sést glöggt því þær breytingar sem Veðurstofan gerir á þessum mælingum eru allar á einn veg, hitastigsmælingar gerðar fyrir miðja síðust öld, þær mælingar eru lækkaðar þannig að það líti út fyrir að það sé hlýrra nú en var fyrir 100 árum.“

„Í framhaldi af birtingu þessara gagna hafa einhverjir, væntanlega nokkrir, tekið sig saman og gert árás á síðuna mína og kvartað undan henni við Facebook og sagt hana ekki uppfylla samfélagsskilmála (“Community Standards”), segir Friðrik og að þar með væri síðan hans og allar myndir ásamt vinatengslum horfið eftir 15 ára þátttöku á þessum samfélagsmiðli.

„Það er ljóst að hann á undir högg að sækja hópurinn hér á landi sem trúir á tilgátuna um hlýnun jarðar af mannavöldum enda hafnar meirihluti Íslendinga þessari tilgátu eins og Bandaríkjamenn sem munu væntanlega kjósa sér nýjan forseta eftir tvö ár, forseta sem hafnar alfarið þessari tilgátu. Raunsæissinnar í loftlagsmálum unnu stórsigur í þingkosningunum í Frakklandi í júní 2022 og áttu möguleika á að ná franska forsetaembættinu þá um vorið, “ skrifaði Friðrik.

Þessi hópur hér heima er í raun kominn út í horn og hefur afhjúpað sinn rökþrota málstað þegar eina ráðið sem hann hefur er að láta henda þeim út af Facebook sem sýna fram á ágalla tilgátunnar um hlýnun jarðar af mannavöldum,“ bætti hann við.

Hér má sjá eitt af þeim línuritum sem urðu þess valdandi að Facebook síðu Friðriks var lokað. Þetta er þróun hitastigs í Reykjavík frá 1924.

Hér er annað línurit sem sýnir þróun hitastigs í Keflavík á þessari öld.

Færslu Friðriks á nýrri facebook síðu má sjá hér:

4 Comments on “Facebook lokaði á verkfræðing sem birti veðurgögn frá Þjóðskjalasafni Íslands”

  1. Svakalegt að þetta sé gert hérna einnig. Allt sem þetta öfga vinstra lið stendur fyrir eru lygar öfgar.

  2. Þangað leitar hundurinns sem hann er kvaldastur:

    Manngreyið er nýbúinn að láta henda sér útaf facebook,
    en þá finnur hann sér ekkert skárra til þess að bregðast við því heldur en að opna þar nýja síðu..!
    Sumum er ekki viðbjargandi…

    Áttar „verkfræðingurinn“ sig ekki á því að nú eru öll hans „vinatengsl“ brennimerkt sem afneitendur loftlagsbreytinga ?

    Þannig virkar nefnilega facebook, sem síðan kemur þeim upplýsingum á framfæri við viðkomandi leyniþjónustur.

  3. kannski þarf viđ ađ hætta að nota þessa facebook sidu . hvað ætla þeir þá að gera?

  4. Ef hnattræn hlýnun af mannavöldum er staðreynd hefði ekki verið nein þörf á að henda þessum manni af Facebook. Ummæli Björns Jónssonar endurspegla hugsunarhátt ríkja sem er stjórnað af harðstjórnum. Þeir sem ekki eru sammála harðstjórunum skulu brennimerktir sem afneitendur öfgakenndrar hugmyndafræði þeirra. Björn getur ekki breytt þeirri staðreynd að nú er akademískt vísindalegt samkomulag um að það sé engin loftslagsvá og ekkert neyðarástand að gerast í loftslagsmálum. Björn hefur rétt fyrir sér um einn hlut í yfirlýsingu sinni um óánægju með þá sem vilja ekki ´fara eftir fyrirmælum´- og það er, að sumum er ekki viðbjargandi.

Skildu eftir skilaboð