Joseph Ladapo, landlæknir Flórída, hefur sent Matvæla- og lyfjaeftirliti Bandaríkjanna (FDA) bréf þar sem hann vísar til þess að tilkynningar um lífshættulegar aukaverkanir hafi aukist um 4.400% síðan fjöldabólusetningar með mRNA COVID-19 „bóluefnum“ hófust í Flórída.
Í bréfinu segir m.a. að Flórídaríki hafi aldrei séð viðlíkan fjölda tilkynntra aukaverkana eftir aðrar fjöldabólusetningar sem alríkisstjórnin hafi staðið að. Það hafi orðið 1.700% aukning á tilkynningum eftir að byrjað var að nota COVID-19 „bóluefnið“, þrátt fyrir að aukning á bólusetningum hafi einungis verið 400% á sama tímabili. Tilkynningum um lífshættulegar aukaverkanir hefur fjölgað um 4.400%.
Þá vísar landlæknirinn til nýlegrar rannsóknar þar sem mRNA COVID-19 „bóluefni“ tengjast mjög mikilli hættu á alvarlegum aukaverkunum, þar á meðal truflana á blóðstorknun, bráðum hjartaskaða, Bell's Palsy andlitslömun og heilabólgu, svo eitthvað væri nefnt. Þessi áhætta hafi komið fram hjá einum af hverjum 550, sem er mjög hátt hlutfall.
Í bréfinu segir Ladapo að þörf sé frekari rannsóknum varðandi öryggi allra mRNA COVID-19 „bóluefna.“
Þá lýkur hann bréfinu með eftirfarandi orðum:
„Samskipti milli lækna og sjúklinga eru eðlilegt siðferðislegt grundvallaratriði fyrir lýðheilsu. Heilbrigðisstarfsmenn ættu að hafa möguleika á að miðla með nákvæmni áhættu og ávinningi af læknisfræðilegu inngripi til sjúklinga sinna án þess að óttast hefndaraðgerðir alríkisstjórnarinnar.
Flórída mun áfram stuðla að viðbrögðum við COVID-19 og öðrum lýðheilsuvandamálum með ákvörðunum byggðum á tölfræðigögnum. Við höldum áfram að varpa ljósi á öryggi og virkni lyfja, þar með talið mRNA COVID-19 bóluefna, sem gæti verið yfirvofandi ógn við þá sem eru með undirliggjandi vandamál. Einnig munum við stuðla að mikilvægi forvarna með því að styðja við góða næringu, hreyfingu og aðrar heilsusamlegar venjur.
Sem faðir, læknir og landlæknir Flórída, bið ég um að stofnanir stuðli að gagnsæi í störfum heilbrigðisstarfsfólks við það að miðla að nákvæmni þeirri áhættu af þessum bóluefnum. Ég bið þess að unnið verði að því að vernda þau réttindi og frelsi sem við höfum, ekki takmarka og minnka það.”
Hér má lesa um viðvörunina á heimasíðu heilbrigðisyfirvalda í Flórída.
