148 lagst inn á spítala vegna lífshættulegra eða alvarlegra veikinda eftir bólusetningu

thordis@frettin.isInnlent, Pistlar

Daglega eru sagðar fréttir af fjölda sjúklinga sem eru á spítala veikir með COVID-19 og sömuleiðis af því hversu slæmt ástandið er á Landspítalanum. Látið er í veðri vaka að spítalinn sé að ,,springa" vegna Covid innlagna og í gær birtist frétt á DV þar sem ónafngreindur faðir segir fótbrotinn son sinn ekki komast í aðgerð þar sem spítalinn sé fullur af óbólusettu fólki.

Á Lyfjastofnun er að finna upplýsingar um sundurliðun tilkynninga þar sem grunur liggur á alvarlegum aukaverkunum af völdum Covid bóluefnanna. Alvarlegar aukaverkanir í dag eru skráðar 228 en alls eru tilkynntar aukaverkanir 5526 talsins. Fréttin.is minnist þess ekki að hafa séð fréttir af sjúklingum leggjast inn á sjúkrahús af völdum Covid bólusetninga og hvað þá á gjörgæsludeild Landspítalans, utan 19 ára stúlku sem sagði sjálf frá því að hún væri lömuð á spítala eftir Moderna örvunarskammt. Samkvæmt áreiðanlegum heimildun fréttin.is er manni á þrítugsaldri haldið sofandi vegna bóluefnaskaða.

Í sundurliðuninni er að sjá að 148 af þessum tilkynntu alvarlegu aukaverkunum varði sjúkrahúsinnlagnir, þar af voru 39 sjúklingar í lífshættu. Gera má ráð fyrir að aðrir með alvarlegar aukaverkanir hafi þurft að leita á bráðammóttöku í það minnsta þar sem Lyfjastofnun skilgreinir alvarlega aukaverkun sem óæskileg áhrif lyfs sem leiðir til dauða, lífshættulegs ástands, sjúkrahúsvistar eða lengingar á sjúkrahúsvist.

Átta börn í hópnum 12-17 ára hafa fengið alvarlegar aukaverkanir samkvæmt upplýsingum frá Lyfjastofnun og því væntanlega þurft að leggjast á sjúkrahús miðað við skilgreiningu Lyfjastofnunar á hvað telst vera alvarleg aukaverkun. Engar fréttir hafa verið sagðar af þessum tilfellum.  Eru þessi veikindi hluti af vanda Landspítalans?