Þröstur Jónsson rafmagnsverkfræðingur og sveitastjórnarfulltrúi hefur sent harðort opið bréf til Múlaþings með aðstoð Arnar Þórs Jónssonar lögmanns, þar sem hann fordæmir Covid bólusetningar barna. Í bréfinu segir að nokkrir íslenskir læknar virðast vilja leggja þessum fyrirætlunum lið og hafa viðrað þær skoðanir sínar í fjölmiðlum, án þess að vísa til rannsókna eða heimilda, þeir fullyrða að lyfin séu hættulaus og geti komið í veg fyrir að börn veikist og láti lífið. Í bréfinu segir einnig að ekki ríki einhugur meðal sérfræðinga um það hvort sprauta eigi börn á þessum aldri með umræddum tilraunaefnum.
Í bréfinu segir m.a.:
,,Bréfið er ritað í tilefni af fréttaflutningi þess efnis að „undirbúningi fyrir kórónuveirubólusetningar barna á aldrinum 5-11 ára“ sé að ljúka og fyrirhugað sé að sprauta börn með þessum efnum í skólum landsins, íþróttamiðstöðvum eða öðru húsnæði á vegum sveitar- og bæjarfélaga, þar með talið sveitarfélagið Múlaþing. Nokkrir íslenskir læknar virðast vilja leggja þessum fyrirætlunum lið og hafa viðrað þær skoðanir sínar í fjölmiðlum, án þess að vísa til rannsókna eða heimilda, fullyrða að lyfin séu hættulaus og geti komið í veg fyrir að börn veikist og láti lífið.
Allt framangreint er til þess fallið að vekja ugg margra foreldra og forráðamanna barna. Ákvörðun um að sprauta börn á skólatíma og nota til þess húsnæði skóla, íþróttamannvirki eða húsnæði í eigu eða umsjá sveitarfélaga annað en heilsugæslur og heilsustofnanir er mjög gagnrýniverð. Má í því samhengi vísa til reglna um persónuvernd, enda líkur á að það verði á allra vitorði hverjir eru sprautaðir og hverjir ekki. Börn gætu skipst í fylkingar og þau ósprautuðu lent utangarðs eða upplifað sig óhrein eða hættuleg. Þannig gætu þau orðið út undan í frímínútum, leikjum eða orðið fyrir einelti.
Ekki ríkir einhugur meðal sérfræðinga um það hvort sprauta eigi börn á þessum aldri með umræddum tilraunaefnum. Hvorki Lýðheilsustofnun Finnlands, franska Læknaakademían né Ónæmis- og bólusetninganefnd Bretlands (JCVI) eru hlynnt því að heilbrigð börn, 5 ára og eldri, fái efnin að svo stöddu. Útlit er fyrir að rök sóttvarnaryfirvalda fyrir því að sprauta 5-11 ára börn við COVID-19 byggi á rangfærslum og mistúlkunum. Sóttvarnalæknir ofmetur verulega þá hættu sem börnum á þessum aldri stafar af COVID-19. Samkvæmt forsendum hans hefðu um tíu 5-11 ára börn þegar átt að hafa lagst á sjúkrahús vegna sjúkdómsins en samkvæmt upplýsingum Landlæknisembættisins frá 20.12.2021 hefur ekkert barn á þessum aldri þurft á sjúkrahúsvist að halda. Að auki heldur hefur hann haldið því fram að umrædd efni veiti góða vörn gegn smiti, en rannsókn Pfizer sýndi aðeins fram á vörn gegn „einkennum COVID-19“, eins og Lyfjastofnun greinir réttilega frá. Út frá læknisfræðilegu sjónarmiði ber að varast að nokkrum manni, sérstaklega börnum, séu gefin lyf á röngum forsendum.“
Undir bréfið skrifar Arnar Þór Jónsson lögmaður og má lesa opna bréfið í heild sinni hér að neðan.
