Hallur Hallsson blaðamaður skrifar:

Alþjóða heilbrigðisstofnunin í Evrópu hefur boðað endalok Covid-faraldursins í álfunni og fjármálaráðherra segir augljóst að hætta verði samkomutakmörkunum en hundruð milljörðum hefur verið hent á Covid-bálið. Af þessu tilefni er tímabært að Alþingi skipi óháða rannsóknarnefnd um Covid – sannleiksnefnd og engir opinberir aðilar komi þar nærri. Nefndin starfi fyrir opnum tjöldum og vitnaleiðslum verði sjónvarpað. Síðastliðin tvö ár eru fordæmalaus í okkar sögu og tími til kominn að líta yfir farinn veg. Þjóðin er skelfingu lostin eftir hrylling í boði hins opinbera og nú eru börnin okkar skotspónn þessa brjálæðis. 

Ríkisstjórnin

Nefndin rannsaki framgöngu ríkisstjórnar Íslands og ákvörðun um samstarf við lyfjarisa eins og Pfizer. Rannsakaðar verði lyfjatilraunir án upplýsts samþykkis fólksins í landinu sem ekki var gerð grein fyrir áhættu og aukaverkunum. Það brýtur gegn Nurnberg siðakóðunum frá 1946. Samningur við Pfizer verði gerður opinber sem og ástæður ríkisstjórnar Íslands að halda honum leyndum fyrir þjóðinni. Hvernig má það vera að Pfizer sé firrt ábyrgð? Vaksín lyfjarisans hafa ekki fullgilt leyfi ameríska FDA heldur eingöngu tilraunaleyfi fram á miðjan áratuginn. Ísland er vettvangur tilrauna lyfjarisa með svarta ferilskrá. Uppljóstrarar hafa lýst siðleysi lyfjarisans. Meðal stefnenda fyrir Alþjóða glæpadómstólnum í Haag er Pfizer uppljóstrari.

Sóttvarnayfirvöld

Nefndin rannsaki aðgerðir Landlæknis, sóttvarnayfirvalda og Lyfjastofnunar. Aukaverkanir hér á landi skipta þúsundum og alvarlegar aukaverkanir hundruðum og nú eru börnin okkar bólusett án gildrar ástæðu - tæld í Höllina af ræningjum Kardimommubæjarins og ónýtir falsmiðlar klappa. Í undirbúningi eru málshöfðanir á hendur ríkinu. Fólki er ekki gert viðvart um aukaverkanir; blóðtappa, truflanir á blæðingum, segamyndun í heila, heilablóðföllum, hjartabólgum og dauða. Tölur frá Svíþjóð staðfesta að dánartíðni hefur verið stöðug þar í landi. Árið 2021 létust 91.541 í Svíþjóð, sem er í samræmi við meðaltal áranna (2015-2019) svo munurinn er ekki marktækur. Hvar er faraldurinn?

Töfralyfið Ivermectin

Lyfjastofnun bannar Nóbelslyfið Ivermectin þrátt fyrir að yfir 70 klínískar rannsóknir með 57 þúsund þátttakendum leiði í ljós 70% fækkun dauðsfalla og sjúkrahúsinnlagna. Nóbelslyfið hefur bjargað fleiri lífum en nokkurt annað lyf að Pencilíni undanskildu. Nóbelsnefndin sagði um Ivermectin 2015: 

„This year’s Nobel Laureates have developed therapies that have revolutionized the treatment of some of the most devastating parasitic diseases.“ 

Lyfjastofnun hefur kært heimilislækni fyrir að mæla með Ivermectin. Hann hefur verið yfirheyrður af lögreglu og á yfir höfði sér fimm ára fangelsi, fyrir það eitt að mæla með Ivermectin. RÚV hæðir lyfið. Hydroxychloroquine hefur sömuleiðis verið haldið frá fólki en það hefur verið notað í 80 ár. Landlæknir kvað lyfið klór sem ekki megi drekka.

Tengsl við Big Pharma

Nefndin rannsaki tengsl lækna við Big Pharma; styrki til lækna og ferðir vítt um heim í boði lyfjarisa. Nefndin rannsaki tengsl landlæknis við Pfizer, sömuleiðis Íslenskrar erfðagreiningar við Pfizer. Nefndin rannsaki tengsl forsætisráðherra við World Economic Forum (WEF) þar sem Katrín er Agenda Contributor[sic.] Síðasta ráðstefna WEF fór fram 17-21. janúar í síðustu viku. Athygli vakti fjarvera ráðherra á Alþingi á sama tíma. Hinir ofsaríku bregða sér gjarnan á skíði vikuna sem ráðstefnan er haldin. Nefndin rannsaki íslensk tengsl við Davos hinna ofsaríku og áætlun WEF um alheimsstjórn hinna ríku í þágu hinna ríku.

Samræmdur „sannleikur”

Nefndin rannsaki aðild RÚV að samstarfi evrópskra ríkismiðla EBU undir forystu BBC um einn „sannleika á rauntíma“ í samvinnu við Reuters, Facebook og Twitter, Washington Post og fleiri miðla. Reuters miðlar „sannleika“ til fjölmiðla um allan heim. Forstjóri Pfizer er stjórnarmaður í Reuters. Útvarpsstjóri ber ábyrgð á hvernig var staðið að þessari ákvörðun EBU undir forystu BBC. Þjóðin á rétt á að vita. 

Alþjóða glæpadómstóllinn

Hver sem staðinn er að því að brjóta siðareglur Nurnberg frá 1946, á yfir höfði sér málssókn Alþjóða glæpadómstólsins í Haag. Sumarið 1998 undirrituðu 120 ríki Rómarsáttmálann, stofnskjal Alþjóða glæpadómstólsins í Haag sem tók gildi 1. júlí 2002. Ísland varð tíunda ríkið til þess að fullgilda sáttmálann og heyrir undir lögsögu dómstólsins. Breskum ráðamönnum hefur verið stefnt fyrir dómstólinn í Haag. 

Hannah Rose sem lagði fram stefnuna bendir á upplýst samþykki við aukaverkunum lyfjainntöku og þátttöku í tilraun þurfi að vera til staðar. Manneskja hefur frjálst val um þátttöku án þvingana, blekkinga og sviksemi af hvers kyns tagi. Sóttvarnalæknir hafnaði því á dögunum að um tilraunalyf séu að ræða en heilbrigðisráðherra upplýsti á fundi Velferðanefndar að tilraunin standi til 2026. Næstum milljón vísindamenn og læknar hafa skrifað undir Barrington yfirlýsinguna, þar af 286 Íslendingar að því er fram kemur á heimasíðunni.