Fjárfestirinn Edward Dowd er fyrrverandi eignasafnsstjóri hjá BlackRock Inc., og hefur komið fram á mörgum fjölmiðlarásum utan meginstraums fjölmiðlanna upp á síðkastið.
Edward hefur verið að vekja athygli á fjárhagslegri hlið hamfaranna sem tengjast Covid-19 bólusetningunum.
Peningarnir tala og þó svo að helstu fjölmiðlarnir séu fullkomlega sáttir við að loka eyrunum fyrir óteljandi sögum um bóluefnaskaða, þá virkar Wall Street ekki þannig.
Edward hefur í umfjöllun sinni fyrst og fremst einbeitt sér að upplýsingum sem hafa komið út undanfarna mánuði varðandi eftirfarandi atriði:
Dánartíðni hjá vátryggingafélögum
Tölur tryggingafélaga ljúga ekki og þær hafa frekar skelfilega sögu að segja.
Fyrir nokkrum mánuðum sagði Scott Davidson, forstjóri líftryggingafélags í Indiana, á Zoom fundi að hjá fyrirtæki hans hefðu kröfur vegna dauðsfalla aukist um 40% á þriðja ársfjórðungi og inn á fjórða ársfjórðung 2021. Aukningin var meðal 18-64 ára og þetta voru EKKI að stærstum hluta dauðsföll af völdum Covid. Hann sagði þessa aukningu fáheyrða, langmesta aukning í fjölda dauðsfalla í sögu félagsins. Félagið hefði hugsanlega reiknað með, í versta falli 10% aukningu fyrir þetta tímabil.
Edward tók saman í samstarfi við félaga á Wall Street nákvæmar tölur frá nokkrum af stærstu tryggingafélögunum í greininni. Aukning í dánartíðni seinni hluta árs 2021 var á bilinu +21% til +57%. Ótrúlegar tölur:
Aukning hjá útfararstofum
Útfararstofur geta ekki falið líkin. Þær vita hversu margir eru venjulega jarðaðir í hinum ýmsu aldurshópum og hversu margar jarðarfarir voru á seinni hluta árs 2021.
Jarðarfarir jukust skyndilega um 13% í ágúst og 28% í september miðað við fyrri ár.
Uppljóstrari Pfizer
Brook Jackson vann hjá fyrirtækinu Ventavia Research Group, sem Pfizer samdi við um að hafa umsjón með klíniskum prófunum sínum. Jackson hafði umsjón með einum flokki rannsóknarinnar sem samanstóð af 1000 þátttakendum. Þegar þátttakendur hennar voru ótímabært afblindaðir tilkynnti hún, nafnlaust, til FDA um „mengun“ gagnanna. 6 klukkustundum síðar var hún rekin.
Jackson stendur nú í málsókn gegn bæði Pfizer og Ventavia þrátt fyrir að Bandaríkjastjórn hafi neitað að grípa inn í og fara áfram með málið í gegnum dómstóla.
Gögnin frá Bandaríkjaher
Lögfræðingurinn Thomas Renz kom fram í pallborðsumræðum öldungadeildarþingmannsins Ron Johnson í síðasta mánuði. Þar fjallaði hann um sannprófuð gögn úr gagnagrunni hersins sem sýna skelfilega aukningu á heilsufarslegum vandamálum hjá hernum þar á meðal 1000% aukningu á taugasjúkdómum, 300% aukningu á fósturlátum og fjölda annarra mála með álíka ógnvekjandi aukningu árið 2021 yfir fyrri 5 ára meðaltöl. Tæmandi lista ásamt upprunalegum skjölum varnamálaráðuneytisins er að finna hér.
Gögnin frá hernum eru mjög nákvæm og mikilvæg og gefa því miklar upplýsingar, sem lesa má um hér.
VAERS gagnagrunnurinn
Þó að VAERS sé ekki fullkomin er tilgangur hans að greina öryggismerki sem mikilvægt er að rannsaka frekar. VAERS skýrslur frá 2021 "sendu" ekki bara út merki heldur "sendu" þær út 5. stigs brunaviðvörun. Skoðið þetta frábæra myndband af Steve Kirsch sem staðreyndartékkar staðreyndatékkarana frá Politico vegna VAERS í rauntíma.
Fjárfestirinn Edward Dowd er að brjótast í gegnum vegg ritskoðunarinnar með því að nota dollarana til að vekja athygli á þessu máli. Markmið hans er að komast yfir þá hindrun á upplýsingum sem fjárfestar standa frammi fyrir og sem eru nú þegar farnir að sjá hlutabréf sín í Moderna og Pfizer lækka . Það mun svo vonandi koma af stað ítarlegum rannsóknum á svikunum sem hann segir að hafi átt sér stað í klínískum rannsóknum Pfizer.
Frá því Edward byrjaði að tjá sig um málið fyrir nokkrum vikum hefur hann verið hvati fyrir aðra sem hafa svipaðar áhyggjur til að koma fram og hefur hann fengið mikil viðbrögð frá fólki í fjármálaheiminum.
Það sem er að gerast núna er að fjárfestar eru farnir að skilja umfang svikanna hjá lyfjafyrirtækjunum, sumir hraðar en aðrir, og þeir eru að reyna að losa sig við áhættuna áður en hrunið verður.
