Dr. Mary Talley Bowden, sem er sjálfstætt starfandi læknir í Houston, fékk tilkynningu frá Twitter á föstudag um að aðgangi hennar hafi verið lokað fyrir fullt og allta fyrir að „dreifa villandi og hugsanlega skaðlegum upplýsingum tengdum COVID-19.”

Bowden hafði mælt gegn COVID-19 sprautum fyrir börn og vísaði í upplýsingar frá Sóttvarnarstofnun Bandaríkjanna (CDC), nánar tiltekið í gagnagrunninn VAERS (Vaccine Adverse Event Reporting Systems) sem tekur við tilkynningum um aukaverkanir af bóluefnum. Hún sagði að samkvæmt upplýsingum í VAERS (sem er öllum opinn) væru börn  að deyja vegna Covid sprautuefnisins.

„127 dauðsföll tilkynnt til VAERS hjá börnum 6 mánaða til 17 ára. Takið lyfið af markaðnum. #StoptheShots,“ tísti Bowden sem var með 170.000 fylgjendur á Twitter.

Vikið úr starfi fyrir að tala gegn bóluefnunum

Á síðasta ári var Bowden, sem er háls-nef og eyrnalæknir, tímabundið vikið úr starfi frá Houston Medical sjúkrhaúsinu fyrir „að tala gegn Covid-bóluefnunum.“

Sjúkrahúsið sendi frá sér yfirlýsingu: „Þessar skoðanir, sem eru skaðlegar samfélaginu, endurspegla ekki áreiðanleg læknisfræðileg vísindi eða gildi Houston Methodist sjúkrahússins, þar sem við höfum meðhöndlað meira en 25.000 COVID-19 sjúklinga og þar sem allir starfsmenn okkar og læknar eru bólusettir til að vernda sjúklinga okkar. ”

Bowden hafði sent sjúklingum sínum í vikunni áður tölvupósta, sem dagblaðið Houston Chronicle fékk í hendur. Í þeim fyrri skrifaði hún: „öll gögn sem ég hef skoðað benda til þess að bóluefnið virki ekki. Í öðru lagi mælti hún gegn bólusetningu fyrir börn og þá sem eru með náttúrulegt ónæmi - það væri samkvæmt upplýsingum sem hún sagðist vera að miðla frá COVID-ráðstefnu sem var streymt í beinni útsendingu.

Stefnir sjúkrahúsinu

Bowden hefur stefnt sjúkrahúsinu og krefst 25 milljónir dollara í skaðabætur. Hún heldur því fram að Houston Methodist hafi skaðað orðspor hennar með því að víkja henni úr starfi.