Mánudaginn 25. júlí kynnti Kanadamaðurinn Ted Kuntz nýja heimildarmynd sína „Óupplýst samþykki“  (Uninformed Consent). Í myndinni er kafað ofan í Covid-19 söguþráðinn, hver stjórnar honum, hvernig hann er notaður til að sprauta óreyndri og nýrri tækni í nánast allt mannkynið og fleira.

Ted Kuntz

Kuntz er faðir, afi, rithöfundur, kennari og baráttumaður fyrir frelsi einstaklingsins þegar kemur að heilbrigðisþjónustu og lyfjagjöf. Hann hefur undanfarin ár verið að skoða bóluefnaiðnaðinn eftir að sonur hans skaddaðist eftir DPT-sprautu (barnaveiki, stífkrampi og kíghósti) árið 1984. Kuntz er núverandi framkvæmdarstjóri samtakanna Vaccine Choice Canada.

Í myndinni er rætt við lækna og vísindamenn, þar á meðal Dr. Robert Malone uppfinningamann mRNA tækninnar sem notuð er í Moderna og Pfizer bóluefnin, faraldsfræðinginn og hjartalækninn Peter McCullough og kanadísku heimilislæknanna Stephen Malthouse og Charles Hoffe.

Í myndinni er því haldið fram að eftirlitsstofnanir eins og FDA, CDC og Health Canada sem eiga að verja neytendur séu í raun að þjóna lyfjafyrirtækjunum, að nánast allir þingmenn í Bandaríkjunum hafi fengið styrki frá lyfjaiðnaðinum, að læknar hafi ekki hugmynd um að þeir séu að taka þátt í tilraun, þeim sé sagt að Covid bóluefnin séu örugg og áhrifarík ("safe and effective"), að læknar hafi vissulega þurft að taka á móti sjúklingum sem hafa skaddast af bóluefnunum en vilja ekki trúa því að það sé vegna hinna „öruggu og áhrifaríku“ bóluefna. Bóluefnin valda því einnig að líkur á krabbameini aukast þar sem ónæmiskerfið veikist.

Þá er sagt frá því hvernig vísindagreinar í læknatímaritum sem ekki styðja hinn opinbera Covid-19 söguþráð hafi verið fjarlægðar úr læknatímaritum sem lyfjafyrirtækin eiga að mestu, hvernig þaggað er niður í sérfræðingum og læknum sem eru á annarri línu og þeim bannað að nota áhrifaríkar, þekktar og ódýrar meðferðir fyrir Covid sjúklinga sína.

Í myndinni er líka bent á að einu rannsóknargögnin fyrir svokölluð Covid bóluefni komi frá framleiðendum sjálfum og að það sé ávísun á lyfjaslys þegar læknar treysta aðeins á gögn sem koma frá lyfjafyrirtækjunum.

Íslenska útrásin

Ýmislegt sem kemur fram í myndinni svipar til sögunnar um íslensku bankanna og bankahrunsins, hvernig íslenskar eftirlitsstofnanir sem eiga að gegna því hlutverki að verja neytendur voru í raun að vinna fyrir fjármálastofnanirnar, hvernig allir spiluðu með; stjórnmálamenn, embættismenn og almenningur sem trúði því til dæmis að ólöglegu gengistryggðu lánin sem stærsti hluti þjóðarinnar tók að einhverju leyti væru lán í erlendri mynt og því lögleg. Lánin áttu að vera miklu hagstæðari en þau verðtryggðu og myndu ekki hækka eins mikið.

Í stuttu máli trúðu flestir landsmenn því að íslenska útrásin væri sannkallað kraftaverk íslenskra fjármálasnillinga og ekkert gæti farið úrskeiðis.  Annað kom á daginn og sérfræðingar fengu milljónir fyrir að skrifa átta bindna rannsóknarskýrslu um hvað hafi farið úrskeiðis.

Þegar hin svokölluðu bóluefni sem framleidd voru á mettíma voru kynnt til leiks, bóluefni sem áttu að „kveða faraldurinn í kútinn“, trúðu konur og menn því að þrátt fyrir að það taki mörg ár að framleiða öruggt bóluefni, þá væri þarna á ferðinni nokkurs konar kraftaverk, þar sem margir bóluefnaframleiðendur ákváðu að snúa bökum saman án þess að ætla sér að hagnast, vinnan þeirra var nokkurskonar fram­lag iðnaðar­ins til heims­ins. Tölur Pfizer sýna annað og það þrátt fyrir að „bóluefnin“ hafi ekki kveðið faraldurinn í kútinn og nú sé á leiðinni nýtt og betra efni sem sagt er virka gegn öllum afbrigðum kórónuveirunnar.

Myndina „Óupplýst samþykki“ er hægt að horfa á hér.