Hverjir stjórna heiminum, stríðum og faröldrum? Biden? Pútin?

thordis@frettin.isStjórnmál2 Comments

Króatíski Evrópuþingmaðurinn og fyrrum dómarinn Mislav Kolakusic deildi í gær myndbandi þar sem hann leitaðist við að svara þeirri spurningu hverjir raunverulega stjórni heiminum.

Almennt trúir almenningur því að hann hafi eitthvað að segja þegar kemur að mikilvægum atriðum í löndum sínum og þá ásamt þeim fulltrúum sem hann kýs í kosningum til t.d. þings og sveitastjórna og sitja í ríkisstjórnum.

Líklega hefur þetta aldrei raunverulega verið þannig. Með tilkomu elítu-glóbalistanna sem líta á allan heiminn sem leiksvið sit til að halda við og auka auð sinn og völd er staðan almennings líklega orðin verri en hún hefur nokkurn tímann verið.

Í dag eru kjörnir fulltrúar orðnir að strengjabrúðum auðmanna og samtaka þeirra eins og leiðtogi auðmannasamtakanna World Economic Forum (WEF) hefur sjálfur staðest opinberlega.

Auðmenn heimsins byggja auð sinn oft að miklum hluta á því að þeir hafa aðgang í gegnum stjórnmálamenn að skattfé almennings. Það gerist með því ríkin kaupa af fyrirtækjum í þeirra eigu ýmsar þær vörur sem almenningur þarf eða honum er talinn þörf á að hann þurfi að hafa ýmist sjálfur eða ríkinu á að vera nauðsynlegur, eins og t.d. lyf og hergögn. Fari stjórnmálamenn ekki að vilja auðmannanna getur róður þeirra í stjórnmálum orðið erfiður og ferillinn stuttur þar sem þeir munu mæta ýmsum hindrunum við að koma stefnumálum rauverulega til hagsbóta fyrir almenning í framkvæmd. Ekki má gleyma í þessu samhengi að auðmenn eiga eða hafa ítök í öllum stærstu fjölmiðlunum og samræma fréttaflutning þeirra markmiðum sínum.

Um það vald sem auðmenn hafa vegna þessa fjallar Kolakusic um í myndbandinu sínu sem hann nefnir: „Hverjir stjórna heiminum, stríðum og faröldrum? Biden? Putin?“ þar sem hann segir:

„Að trúa því að lyfjaiðnaðurinn vilji að fólk sé heilbrigt  er eins og að trúa því að hergagnaframleiðendur vilji heimsfrið.

Kæru þegnar. Blackrock, Vanguard, Statestreet, fjárfestingarsjóðir sem flest fólk hefur ekki heyrt af stjórna verðmætum að fjárhæð meira en 15 trillion dollara (ísl. 15 billjónir dollara). Þessir sjóðir eiga hlut í öllum mikilvægum lyfjafyrirtækjunum, fjölmiðlum, hergagnaframleiðendum, flutningafyrirtækjum og bönkum. 

Þegar við skoðum opinber gögn allra stærstu fyrirtækja í heimi fáum aftur og aftur sömu samsetningu eigenda þar sem stærstu hluthafarnir eru Vanguard og Blackrock. Stærstu hlutafar í Pfizer, Moderna og Johnson og Johnson eru að sjálfsögðu Vanguard og Blackrock. Þar að auki, af tíu stærstu lyfjafyrirtækjunum árið 2021  eru þeir með eignarhald í sex þeirra. Öll fyrirtækin sem framleiddu bóluefnin fyrir Covid-19 eru að stórum hluta í eigu Vanguard og Blackrock. 

Sömu sjóðirnir og eru stórir eigendur að lyfjafyrirtækjunum eiga einnig hergagnaiðnaðinn. Blackrock, Vanguard og Statestreet eru einnig eigendur heimsins stærstu hergagnaframleiðendanna Lockheed-Martin, Boeing og Northrop Grumman.

Í dag er það algjörlega ljóst hverjir stjórna heiminum og taka allar mikilvægar ákvarðanir, frá stríðum til faraldra, tilvik sem munu því miður verða mun tíðari í náinni framtíð.”

Hér má sjá myndbandið með Mislav Kolakusic:

2 Comments on “Hverjir stjórna heiminum, stríðum og faröldrum? Biden? Pútin?”

  1. Auðvitað er heiminum stjórnað af örfáum moldríkum einstaklingum. Allt sem gerist er í þágu þeirra, enda eiga þeir ALLT.

  2. Þessvegna gerum við uppreisn.is þeir eru svo fáir og byggja öll sín völd á sannfæringarkrafti peninganna sinna. Með því að breyta því hægt og rólega hvernig peningar eru skilgreindir þá verða þessar trilljónir bandaríkjadollara einskis virði. Hljómar eins og vitleysa en það er bara þannig að til að komast úr einni vitleysunni í aðra þá þarftu samfelldan söguþráð sem fólk getur fylgt til að sannfæra sjálft sig. Þegar öllu er á botninn hvolft þá er það fólkið sem vinnur vinnurnar og þetta er bara spurning um skipulag og samræmingu á markmiðum. Akkúrat núna erum við samræmd af miðstýrendum með vafasöm markmið. Breytum því.

Skildu eftir skilaboð