Fjárfestirinn Ed Dowd fyrrverandi eignasafnsstjóri hjá BlackRock Inc. og höfundur bókarinnar  Unknown Causes: The Epidemic of Sudden Deaths in 2021 & 2022  hefur ásamt fleiri talnasérfræðingum safnað saman umfangsmiklum og skýrum gögnum sem sýna fram á hin gríðarlegu umframdauðsföll eftir tilkomu hinna svonefndu COVID-19 „bóluefna.“

Hægt er að sjá sumar af niðurstöðum hans á vefsíðunni hans They lied people died. Ed Dowd fer einnig fyrir Mannúðarverkefninu eða "The Humanity Project" sem hægt er að finna hér.

Ed Dowd varð heimsþekktur þegar hann í viðtali fjallaði ítarlega um markaðssetningu mRNA tilraunabóluefnanna út frá sjónarhóli fjárfesta sem byggja vinnu sína á ítarlögum gögnum og upplýsingum.

Í gær var Dowd í viðtali hjá Mike Adams og ræddi þar niðurstöður sínar varðandi umframdauðsföll af völdum C-19 sprautuefnanna. Hann sagði einnig að fyrr eða síðar muni lækna- og vísindasamfélagið ekki geta lengur hunsað þá staðreynd að yfir 2400 Bandaríkjamenn deyi á hverjum degi - nánast örugglega af völdum C-19 „bóluefnanna“ - sem þýðir um 900.000 Bandaríkjamenn á ári.

Hér að neðan er línurit frá Dowd sem sýnir þau umframdauðsföll sem hafa orðið í Bandaríkjunum eftir að byrjað var að sprauta fólk í tilraunaskyni með mRNA COVID-19 „bóluefnunum“.

Í viðtalinu útskýrði Dowd að umframdauðsföll væru um 32%. Um 7.700 Bandaríkjamenn deyja reglulega á hverjum degi og 32% af því væru um 2400 dauðsföll á dag. Þessar tölur væru aðeins fyrir Bandaríkin en á heimsvísu væri fjöldinn auðvitað miklu meiri.

Samantekt Dowd og félaga er í samræmi við spá annarra sérfræðinga frá því seint á árinu 2021 sem töldu líklegt að fjöldabólusetningar með C-19 tilraunabóluefnunum gætu valdið yfir 60 milljón umframdauðsföllum í heiminum – aðeins á árinu 2022.

Hér má sjá viðtalið við Ed Dowd: