„Úkraína var tilbúin að hefja stórfellda árás á Donbass (austurhéruð Úkraínu) fyrir febrúar 2022 og hafði fengið blessun Vesturlanda til að gera það,“ sagði Vladimír Pútín Rússlandsforseti í árlegu ávarpi sínu á þingi landsins í dag. Hann sagði að hernaðaraðgerð Rússa í Úkraínu hafi verið hafin sem fyrirbyggjandi aðgerð.

Pútín hélt því fram að eftir að Bandaríkin og NATO höfnuðu tillögum Rússa um gagnkvæm öryggismál í desember 2021, „varð ljóst að þau hefðu gefið grænt ljós á árásaráætlanir [Kiev-stjórnarinnar]". Rússneski leiðtoginn bætti því við að vestrænir stuðningsmenn Úkraínu voru að undirbúa landið „fyrir stórt stríð“.

„Ógnin jókst dag frá degi. Upplýsingarnar sem við fengum vöktu engan vafa um að í febrúar 2022 væri allt tilbúið fyrir aðra blóðuga refsiaðgerð í Donbass,“ sagði Pútín.

„Ég vil endurtaka: þeir hófu stríðið. Og við höfum beitt og erum að beita valdi til að binda enda á það.“

Orð Pútíns fá stuðning í skýrslum Öryggis- og samvinnustofnunar Evrópu (ÖSE) sem sýna að skotárásir á Donbass héruðin jukust verulega níu dögum áður en Rússar ákvaðu loks að skerast í leikinn.

Alþýðulýðveldin Donetsk og Lugansk brutust frá Úkraínu skömmu eftir valdaránið í Úkraínu árið 2014. Úkraínsk yfirvöld reyndu fyrst árangurslaust að lægja uppreisnirnar með valdi og settu síðar efnahagshömlur á héruðin.

Rússar sendu hermenn inn í nágrannarík sitt fyrir tæpu ári síðan, með því að vitna í nauðsyn þess að vernda íbúa Donbass sem eru að langmestu leyti Rússar og þess að stjórn Úkraínu hafi ekki framfylgt Minsk-friðarsáttmálanum frá 2014-2015.

Fyrrverandi forseti Úkraínu, Pyotr Poroshenko, viðurkenndi á síðasta ári að stjórn Úkraínu hefði notað Minsk-samningana til að kaupa sér tíma og efla herinn og efnahagslífið. Angela Merkel, fyrrverandi kanslari Þýskalands, og Francois Hollande, fyrrverandi forseti Frakklands, sem höfðu milligöngu um samninginn, staðfestu frásögn Poroshenko.