Samkvæmt gögnum frá Hagstofu Englands (ONS) létust 28.041 einstaklingur vegna COVID-19 á árinu 2022. Um 92% þessara einstaklinga, eða 27.768 talsins, höfðu fengið COVID-19 „bólusetningu“ en 2.273 manns höfðu ekki fengið „bóluefnið“, eða um 8%.
Eins og sjá má á súluritinu hér að ofan skiptust dauðsföll þeirra sem höfðu verið „bólusettir“ þannig að 426 einstaklingar (1,5%) höfðu fengið eina COVID-19 sprautu, 2.981 einstaklingur (10,6%) höfðu fengið tvær sprautur og 22.361 einstaklingur (79,7%) höfðu fengið þrjár sprautur. Óbólusettir voru 2.273 allra dauðsfallanna (8%).
Þegar árið 2022 er skoðað nánar og eins og súluritið hér fyrir neðan sýnir jukust dauðsföll meðal „bólusettra“ eftir því sem leið á árið og frá því í september og út árið voru 95% allra COVID dauðsfalla á Englandi meðal „bólusettra“.
Þessi miklu dauðsföll meðal sprautaðra einstaklinga ættu að vera heilbrigðisyfirvöldum á Englandi mikið áhyggjuefni þegar útbreiðsla „bólusetninga“ við COVID-19 er skoðuð. Samkvæmt gögnum ONS hafa 70,8% Englendinga fengið eina sprautu, 67,3% tvær sprautur og 53,2% hafa fengið þrjár sprautur.
Þessi gögn sem eru í samræmi við gögn frá fleiri löndum sýna fram á það að fullyrðing stjórnvalda víða um heim um að tilraunabóluefnin við COVID-19 séu „áhrifarík og örugg“ á sér enga stoð í raunveruleikanum.
Íslensk heilbrigðisyfirvöld hætt að gefa upp „bólusetningastöðu“ þeirra látnu
Í þessu sambandi er vert að taka fram að hvorki íslensk sóttvarnayfirvöld né Landspítalinn hafa fengist til að birta „bólusetningastöðu“ þeirra sem látist hafa á Íslandi eftir að byrjað var að sprauta hér á landi með COVID-19 tilraunabóluefnunum um áramótin 2020/2021.
Þessar upplýsingar voru til staðar á vef Landspítalans u.þ.b. fyrsta árið í Covid og þess var oft getið í fréttum hvort þeir sem létust af Covid hafi verið „bólusettir“ eða ekki. Hér er t.d sagt frá því að maður á sjötugsaldri hafi látist og verið „óbólsuettur“. Ekki er lengur talað um „bólusetningastöðu“ þeirra Covid-látnu, en á vefnum Covid.is má sjá að um og yfir 90% elstu hópana hafa fengið „bóluefnið“ og langflestir fjórar eða fleiri sprautur.
