Eftir Arnar Sverrisson:
Íslenska ríkisstjórnin, með Katrínu Jakobsdóttur frá VG í broddi fylkingar, hamast gegn svokallaðri hatursorðræðu og rangfærslum í máli manna. Katrín og ríkisstjórn hennar boðar endurhæfingu allra opinberra starfsmanna samkvæmt þessari hugmyndafræði.
Ríkisstjórnin hefur góðar fyrirmyndir, bæði úr austri og vestri. Í austrinu voru menn sendir í endurhæfingarbúðir fyrir hatursorðræðu og falshugmyndir, sem voru vanþóknanlegar yfirvöldum. Sama hefur átt sér stað á Vesturlöndum, þar sem leyniþjónustur, yfirvöld, auðdrottnar og fjölmiðlar í þeirra eigu, hafa háð upplýsinga- og hughernað gegn almúganum til að halda honum óupplýstum. Þar eru slægir karlar líka sendir í kvenfrelsunarendurhæfingu.
Vilja hemja frjálsa umræðu á netinu
Veraldarvefurinn og félagsmiðlarnir skópu óþægindi að þessu leyti. Eins og alkunna er vinna sömu aðilar hörðum höndum að því að hemja frjálsa umræðu á netinu.
Nú gengur Mennta- og menningarmálastofnun Sameinuðu þjóðanna fram fyrir skjöldu í þessu efni. Ritskoðun í samvinnu við ótilgreinda hagsmunaaðilja (stakeholders) er kominn á dagskrá. Það er athyglisvert í ljósi hlutverks stofnunarinnar:
„Starf UNESCO í menntamálum er allt frá leikskóla til háskóla og fullorðinsfræðslu. Menntun er áhrifarík leið til að berjast gegn fátækt og stuðla að friði og öryggi til langs tíma, lýðræði og réttlæti. Markmið UNESCO menntunar er að tryggja símenntun fyrir alla, aðstoða lönd með sérþekkingu í menntun.“
Alþjóðlegir embættismenn í forsvari
Þetta er athyglisvert einnig í ljósi þess, að hér eru alþjóðlegir embættismenn í forsvari. Katrín eða flokkur hennar er þó lýðræðislega kjörinn og Katrín þar að auki ástsæl stjórnmálamanneskja og ástmögur Íslendinga.
Það er allrar eftirtektar vert, hversu góða hljómkviðu er um að ræða á alþjóðavettvangi, þegar fjallað er um veiru og veiruviðbrögð, vistógn, stríðið í Úkraínu, kvenfrelsun, karlhatur, tjáningarfrelsishöft og eininguna um það, sem ekki má fjalla um. Hljómkviða þessi er samin til dýrðar lýðræði og frelsi á alla lund, rétt eins og sjálfbærnimarkmiðin öll eins og leggja sig.
Sameinuðu þjóðirnar hafa gert samning við Alheimsefnahagsráðið (World Economic Forum) um breytingar á veröldinni samkvæmt þessum markmiðum. Katrín og íslenska ríkisstjórnin hafa sett þau á stefnuskrá sína.
5 Comments on “Hatursorðræðuhamfarir Katrínar innanlands og utan”
Þetta er það sem globalistarni vilja, stjórna umræðunni og upplýsingadreifingunni með haturorðræðu gegn okkur hinum sem vilja sjá hina hliðina og sannleikann enn ekki bara að hneigja okkur fyrir BNA og NATO og Nasistaruslinu í Ukraínu, það sést best á æpandi þvaðrinu á RUV, Visi, DV, MBL og Heimildinni!
Þar eru leifð komment eins og Rússarunkari, Rússadindill, Pútin sleikja enn það má að sjálfsögðu ekki segja neitt á móti, enn ég mun gera það og mun verja mig með kjafti og klóm fyrir þessu heimska hyski!
Svona gerist þegar manndjöflar, sem skilgreina sig sem ´góða fólkið´, fá að stjórna heiminum: kúgun og frelsisskerðing.
Það verður erfitt að vinna á ormagryfjunni sem þetta lið er búið að skapa á Íslandi, ég gæti trúað því að þessi skrípaleikur BNA og NATO sé með 95% jafnvel hærra fylgi. annað eins hatur og rassismi gagnvart Rússlandi meðal Íslendinga á sér eingar hliðstæðu í sögunni, spáið í hræsninni að fólkið sem hefur sig mest í frammi er sama fólkið sem hvarta æpandi yfir rassisma gagnvart þessum svokölluðu flóttamönnum sem útlendingastofnun og lögreglan er svo vond við.
VG eru pólitíkusar og Íslendingar vilja ekki pólitíkusa á Bessastaði.
Fólk sem segir að Kristni þurfi að víkja úr skólum og börn megi deyða í móðurkviði, ásamt því að blaðra um hlýnun jarðar, er það fólk sem er með alvöru ,,hatursorðræðu“
Rétt skal vera rétt !