Ráðamenn í Peking þvertaka fyrir fullyrðingar Bandaríkjamanna, um að Kínverjar hafi íhugað að senda Rússum vopn í stríði sínu gegn Úkraínu, þar sem Bandaríkjamenn kölluðu eftir „friðelskandi“ þjóðum að bregðast við til að binda enda á átökin. Frá þessu greindi m.a. Al-Jazeera í byrjun vikunnar.

Kínverskur talsmaður sagði á mánudag, að Bandaríkin væru ekki í aðstöðu til að setja afarkosti, eftir að utanríkísráðherrann, Antony Blinken, varaði Peking við því að útvega Rússum vopn í stríðinu gegn Úkraínu.

Talsmaður kínverska utanríkisráðuneytisins, Wang Wenbin, sagði að Kína „muni aldrei sætta sig við að Bandaríkin bendi fingrum á samskipti Kína og Rússlands eða eða beiti okkur þvingunum“.

Benti á að Bandaríkin sendi stöðugt vopn til Úkraínu

„Það eru Bandaríkin, en ekki Kína, sem senda endalaust vopn á vígvöllinn,“ sagði Wang. „Við hvetjum Bandaríkin til að íhuga eigin gjörðir af einlægni og gera meira til að létta á ástandinu, stuðla að friði og samræðum og hætta að kenna öðrum um og dreifa röngum upplýsingum.“

Wenbin hefur gagnrýnt ófriðarstefnu Bandaríkjanna harðlega. Hann sagði að Bandaríkin hafi í einungis sextán ár af 240 ára sögu sinni, ekki verið í stríði. Síðan Síðari heimsstyrjöldinni lauk, hafi Bandaríkin reynt að steypa meira en 50 erlendum ríkisstjórnum af stóli, hafi haft ofbeldisfull afskipti af kosningum í að minnsta kosti 30 löndum og reynt að myrða fleiri en 50 erlenda leiðtoga.

China FM spokesman Wenbin: US has not fought in just 16 years of its 240-year history.After the end of WW II,the US tried to overthrow more than 50 foreign governments,violently interfered in elections in at least 30 countries and tried to kill more than 50 foreign leaders pic.twitter.com/GAAx0tgdCU

— AZ (@AZgeopolitics) February 23, 2023

Kína og Rússland hafa styrkt mjög vináttu og samvinnu sína á öllum sviðum á undangengnu ári. Háttsettir kínverskir embættismenn heimsóttu Moskvu í vikunni og héldu árángursríka fundi um frekara samstarf með ráðamönnum þar. Von er á heimsókn Xi Jinping, forseta Alþýðulýðveldisins Kína, til Moskvu á næstu misserum, greindi Reuters frá í vikunni.

Donald Trump, fv. forseti Bandaríkjanna, vildi bæta samskiptin við Rússland. Ef efnt yrði til ófriðar við Rússland í stað þess að bjóða landið velkomið til samvinnu við Vesturlönd, myndi Rússland snúa sér til Kína.