Breski hjartalæknirinn Aseem Malhotra var nýlega í viðtali hjá bandaríska þáttastjórnandanum Joe Rogan. Viðtalið er um þriggja tíma langt og þar kemur ýmislegt fram.

Rogan og Malhotra ræddu meðal annars um hversu gríðarleg afneitunin varðandi aukaverkanir og veikindi eftir Covid sprauturnar eru og að fólk, þar á meðal læknar, reyni að hunsa þann möguleika að nýtt lyf geti t.d. verið ástæðan fyrir því að fólk fái hjartaáfall skömmu eftir sprauturnar.

Malhotra sagði að innrætingin um öryggi bóluefna væri svo djúp, bæði hvað varðar sögu bóluefna almennt og síðan þetta [Covid sprautur] að jafnvel menntað fólk telur sig vera hlutlægt. Það sem gerir málið enn verra er að fjöldi lækna og annarra fékk sjálft Covid sprautur og þau „keyptu frásögnina“ (e. narrative) og við verðum að hafa í huga að það að skipta um skoðun getur verið mjög erfið lífsreynsla, sagði læknirinn.

„Það getur fyrir mjög marga verið feiknalega erfitt að ræða það sem við erum að ræða hér; spillinguna, skaðann sem fólk hefur orðið fyrir, hvernig eftirlitsaðilar brugðust og að  lyfjafyrirtækin hafi að öllum líkindum vitað um skaðann áður, þess vegna voru þau losuð undan allri ábyrgð og því ekki hægt að lögsækja þau. Að meðtaka eða samþykkja þetta er risastórt, miklu auðveldara er að stinga hausnum í sandinn, en við verðum að horfast í augu við staðreyndir annars mun þetta bara halda áfram og endurtaka sig, sagði Malhotra.

Rogan nefnir síðan allt fólkið sem fór sjálft í sprauturnar og hvatti aðra til að gera hið sama, þetta eru t.d. blaðamenn, áhrifavaldar og frægt fólk og það heldur áfram að „þjóna lyfjafyrirtækjunum“ og gerir jafnvel atlögu að fólki sem segist hafa skaðast af sprautunum eða segir frá því að einhver annar hafi dáið eftir að hafa fengið þær. Þetta læknisfræðilega mál hefur orðið pólitískt, fólk skiptist í fylkingar. Hann sagði að í Bandaríkjunum hafi repúblikanar verið meira hikandi við að fara í sprauturnar og verið opnari fyrir annars konar meðferðum, en að demókratar hafi „tekið þetta alla leið“, fengið sér Pfizer húðflúr, birt myndir af sér: „búinn að fá bóluefnið,“ o.fl....svona eins og þeir væru að senda frá sér merki um að þeir væru í „rétta liðinu.“

Malhotra sagði þá að fólk tryði því að það hafi verið að gera samfélaginu gott og það þyrfti hugrekki til að skitpa um skoðun og viðurkenna að maður hafi haft rangt fyrir sér. „Okkur læknum er líka kennt að ef sönnunargögnin breytast þurfum við að fylgja því,“ en ekki öllum líður vel með að skipta um skoðun, mögulega vegna hræðslu við að að verða fyrir atlögu.

Hann segir síðan frá því að hann hafi fengið stuðning við sína baráttu frá mörgu þekktu fólki sem þorir þó sjálft ekki að stíga fram.

„Bara ef um hálf tylft frægra einstaklinga myndu samtímis koma fram opinberlega og lýsa áhyggjum sínum af þessum mRNA bóluefnum og kalla eftir því að þau verði stöðvuð og rannsökuð frekar myndi þessu ljúka á einni nóttu,“ sagði læknirinn.

Trúði sjálfur á bóluefnin

Þess má geta að Malhotra trúði sjálfur á mátt Covid „bóluefnanna“ í upphafi og hvatti fólk til að fara í sprauturnar, en tók síðan að rannsaka málið frekar þegar hraustur 73 faðir hans fékk hjartaáfall í kjölfar „bólusetningarinnar“ og lést nokkrum mánuðum síðar.

Sjá brot úr viðtalinu hér neðar og allan þáttinn hér: