Hallur Hallsson skrifar:

Leiðtogafundur Evrópuráðsins verður haldinn í Reykjavík eftir helgina í boði Katrínar og Þórdísar. Fundurinn er haldinn í skugga þriðju heimsstyrjaldar. Kata og Dísa einar vita hvort leikarinn Zelinskyy mætir á svæðið en hann er í páfagarði. Honum var hafnað að ávarpa Eurovision og þar áður Óskarinn en stendur til boða að ávarpa elítu Evrópu. Þetta er í fjórða sinn í 74 ára sögu ráðsins sem leiðtogar koma saman. Mun nokkur evrópskur leiðtogi tala fyrir friði? Munu allir kyrja: Úkraína verður að vinna. Stjórnarráðið segir að grunngildi Evrópuráðsins verði áréttuð sem séu mannréttindi og lýðræði ásamt stuðningi við Úkraníu. Í Úkraínu er stjórnarandstaða bönnuð, stjórnandstæðingar fangelsaðir og drepnir, fjölmiðlar bannaðir og ritskoðaðir, stjórnvöld hafa frá 2014 farið með stríði á hendur rússneskumælandi þegnum með azov-nazista í fremstu víglínu, fólki bannað að mæla á þjóðtungur aðrar en úkraínskar ásamt trúarofsóknum á hendur orthódox fólki, kirkjur þeirra brenndar. „Þeirra börn munu hírast í kjöllurum,“ hótaði Poroshenko forseti 2014. Til hvers voru 46 amerískar sýklasmiðjur í Úkraínu? Þetta er fasismi. Allt þetta gætu ríkis- og ríkramiðlar með rúv á 1. bekk staðreynt ef þeir hristu af sér framvarðastimpil ríkisáróðurs og leituðu sannleika í stað að flytja ríkisáróður um styrjaldir og plágur. "We finally meet," sagði alsæl Kata í Kænugarði og faðmaði Zel.

Hatursfrumvarp og tilskipanir æðri lögum

Frumvarp Kötu um hatursorðræðu sem skerðir mannréttindi er sagt teljast til evrópskra grunngilda. Frumvarp Dísu að tilskipanir kómizara í Brussel skuli æðri íslenskum lögum telst til evrópskra grunngilda. Endir verður bundinn á íslenskt fullveldi tæpri öld eftir að það vannst árið 1918 þegar þjóðin hét ævarandi hlutleysi eftir hildarleikinn mikla. Evrópa er ekki samfélag lýðræðisríkja heldur klíkustjórn í Brussel. Klíka þessi stefnir að lama alþjóðaflug á Keflavíkurflugvelli. Til hvers að lama tengiflug Íslands milli Evrópu og Ameríku? Veltið því fyrir ykkur. Kef-Airport herflugvöllur undir stjórn Nato? Kolefnisgjald Brussel þýðir gjaldþrot Icelandair, Play og íslenskrar ferðaþjónustu. Trúir fólk að Ursula [Albrect] von der Leyen hafi hagsmuni Íslands í huga? Eru Íslendingar að láta teyma sig líkt og sauði fram af Svörtuloftum?

Atómstöð í evrópsku stórríki

Hvaða tilgangi á gamla Atómstöðin að þjóna í evrópsku stórríki? Af hverju yfirbýður Kata flóttamenn? Af hverju hafa Kata, BjarniBen og SigIngi opnað landamærin meðan Norðurlönd stíga á bremsur? Hvort hafa þau eigin heimili sín læst eða opin? Nú keyra strætisvagnar um landið merktir Glory-to-Ukraine með fólk kyrjandi dýrð sé Úkraínu. Á hvað minnir það? Þjóðhetja Úkraínu samtímans er nazistinn Stephan Bandera 1909-1959. Úrsúla sækir í reynslu afa Karls Albrecht í Úkraínu 1941-43. Hvað segir það? Sléttum níu árum eftir að 48 Rússar voru brenndir inni í Alþýðuhúsinu í Odessa var Dísa þar í sólinni faðmandi Dmitry Kuleba utanríkisráðherra. Dmitry tvítaði í vikunni um símtal frá kollega: „... Dmitry. Ég ræddi við vandræðaland og sagði að Úkraína ákveði hvaða þjóðir tilheyri siðmenntuðum þjóðum og hverjar ekki…”. Nú hef ég ekki hugmynd um hvaða ráðherra ávarpaði Dmitry en ekki Mr. Kuleba. Eru Færeyjar vandræðaland?

Hervæðing norðurslóða

Þær stöllur hafa gefið Nato lausan tauminn á Keflavíkurflugvelli, herþotur eru undir vökulum augum vopnaðra nato-hermanna og Helguvík kjarnorkukafbátalægi. Hervæðing Íslands er í yfirgír; íslenskur her á teikniborði, leyniþjónusta ríkislögreglustjóra undir vökulu auga Þjóðaröryggisráðs. Mun Nato í linnulausri útþenslu fagna flotastöð í Finnafirði á Langanesi? Stöðvar hervæðing siglingar kaupskipa á Norðurslóðum? Finnafjörður yrð viðbót við flotalægi í N-Noregi. Nú þegar eru fjórar herstöðvar í Noregi sem heyra ekki undir norsk lög. Amerískar herstöðvar í Finnlandi er á teikniborði. Af hverju vinna Kata og Dísa ötullega að því að breyta Íslandi í Atómstöð á Norðurslóðum? Er sýn Halldórs Laxness að rætast. Af hverju vinnur Ísland að hervæðingu Norðurslóða. Íhugaðu orð og gjörðir. Hervæðing Evrópu er í yfirgír. Hvaða framtíð er börnum okkar búin?

Kanslarinn samþykkti árás á þýsku þjóðina

Hryðjuverk Bandaríkjanna og Noregs á gasleiðslum Nord Stream var Act-of-War. Það var árás á þýsku þjóðina, evrópsk og rússnesk fyrirtæki, hryðjuverk framið fyrir tæpum 8 mánuðum. Gas margfaldaðist í verði í Evrópu. Nord Stream er mesta mengunarhryðjuverk sögunnar. Hryðjuverk Biden var með samþykki Olav Scholz kanslara. Norðmenn voru þátttakendur 62 árum eftir innrás nazista. Danir sáu allt frá nýju Nato ratsjárstöðinni á Borgundarhólmi, kafarar komu frá Stokkhólmi á Baltop22 flotaæfinguna. Gassala Dana og Norðmanna rauk upp. Hvað vissu Kata og Dísu um flug P18 ratsjárþotu frá Keflavíkurflugvelli sem sveimaði yfir gasleiðslunum í Eystrasalti í meir en sex stundir árásarnóttina. Í Öryggisráði Sameinuðu þjóðanna hafa Vesturveldin komið í veg fyrir alþjóðlega rannsókn á hryðuverkinu. Spyrjið: Af hverju? Nú íhugar Washington að sprengja hálfleiðara-smiðjur Taivans; semi-conductor plants tölvubransans og rústa eyjunni. Þetta hefur reitt Taivana til reiði enda ankeri taivansks efnahags og trilljarða dollara bísniss. Bandaríkin eru helsta hryðjuverkaríki veraldar. Allt þetta er í boði vestræns hergagnabransa; Military-Industrial-Complex sem fer með stríði vítt og breitt um veröldina. Rikki ríki sem Bretar ekki kusu til embættis hefur sent eiturspúandi úraníum skriðdreka á austurvígstöðvarnar og langdrægar stormeldflaugar; storm shadow til árása á Rússland. Bretar eru í stríði við Rússland og líkt og við verða skotmark í Heimsstríði III. Vesturveldin heimta gagnsókn úkrana niður Krímskaga. Pentagonlekinn upplýsti áform um gagnsókn frá Zaporizhzhia sem á að splitta rússneskan herafla. Hvað verður um stærsta kjarnorkuver Evrópu í Zaporizhzhia í Donbass? Rússneskir íbúar Donbass skulu þvingaðir og ofsóttir í evrópsku stórríki á forsendum evrópskra gilda.

Hversu galið er þetta?