Eftir Arnar Sverrisson:

Ég óttaðist um stund, að Katrín okkar allra hefði gleymt frelsun kvenna og valdeflngu þeirra. Hún hefur verið svo upptekin við að sinna Evrópuráðinu og kjassa karla í útlöndum.

En mér hægðist um hug, þegar uppáhalds sjónvarpsstöðin mín – líka okkar allra – sagði frá því, að það yrði ekki bara rætt um Úkraínu í Evrópuráðssjónarspilinu í Hörpu. Það hefur nefnilega verið stofnað til verðlauna eða samkeppni í nafni Vigdísar Finnbogadóttur, um valdöflugustu konu Evrópu. Einu sinni sagði Vigdís við nefndan miðil, að „karlar þyrðu ekki að hleypa konum upp á dekk.“ Jafnvel þótt þeir hefðu umvörpum komið henni á Bessastaði.

Katrín hefur eins og allir vita lagt gjörva hönd á valdeflingu kvenna, trú sjálfbærnimarkmiðum Sameinuðu þjóðanna. Hún hefur t.d. ötullega barist fyrir fóstureyðingum – helst fram að barnsburði eins og hún sjálf sagði.

Fóstureyðing, að geðþótta móður, er til marks um frelsun kvenna og jafnframt yfirlýsing hennar um eignarhald á líkama sínum. Katrín og hinir kvenfrelsararnir minnast varla á sæðisgjafann eða reðurhafann, réttleysi hans og tilfinningar.

Það gerir hins vegar sállæknirinn, Tom Golden. Hann flytur fróðlegt erindi um sársauka fósturfeðranna í víðara kvenofbeldissamhengi.

Grein Ericka Andersen um sársauka karla er einnig afskaplega fróðleg. Hún telur, á grundvelli nýlegrar rannsóknar, að um fimmtungur feðra eyddra fóstra leyti hjálpar vegna sársauka og sorgar.

Breski kvenfrelsarinn, Jessica Valenti, segir, að fósturfeðurnir ættu barasta „að halda kjafti.“ Því miður gera það nær allir, bera harm sinni í hljóði. Margir þeirra þjást löngum stundum eins og þeir, sem verða fyrir fölskum ákærum um kynofbeldi.

Dæmi eru um fimm ára gamla drengi í leikskóla, sem eru tuktaðir fyrir kynofbeldi. Tom Golden og Paul Elan ræða um fleiri tilvik, m.a. þar sem þrettán ára piltur var handjárnaður og leiddur úr skóla vegna ásakana skólasystra um kynofbeldi.

Þeir víkja einnig að öðrum tilbrigðum við kvenfrelsun, t.d. þegar ástkona bítur eistun af elskhuga sínum eða geldir. Það ku hafa verið í sjálfsvörn. Hins vegar var sú, sem ranghvolfdi augunum við framburð tveggja karla, sem hún að ósekju ákærði fyrir nauðgun, dæmd í eins árs fangelsi.

Það er margt skrítið í hausum kúa og kvenfrelsara.