Börn sem fengu COVID-19 bóluefni frá Pfizer standa frammi fyrir aukinni hættu á hjartabólgu samkvæmt nýrri rannsókn sem bandaríska ríkið fjármagnaði.
Börn á aldrinum 12 til 17 ára sem hafa fengið COVID-19 sprautur eru í aukinni hættu á hjartavöðva- og gollurshúsbólgu að því er bandaríska matvæla- og lyfjaeftirlitið (FDA) hefur komist að.
Fjöldi tilfella af hjartavöðva- og gollurshússbólgu í þessum aldurshópi uppfyllti skilyrði um hættumerki sögðu höfundar rannsóknarinnar í læknatímaritinu Journal of the American Medical Association þann 22. maí sl.
Aukin áhætta var til staðar innan sjö daga frá bólusetningu samkvæmt rannsóknargögnum. Höfundar skoðuðu gögn til að kanna hvort eitthvert af 20 heilsufarskvillum hafi fundist í meira mæli hjá þeim börnum sem höfðu verið bólusett. Kvillarnir voru meðal annars hjartavöðva- eða gollurshússbólga, Bell's Palsy andlitslömun, botnlangabólgu og heilablóðfall.
Aðeins hjartavöðvabólga eða gollurshússbólga uppfylltu skilyrði um hættumerki sem gætu tengst bólusetningunni.
Rannsakendur greindu 89 tilfelli meðal 12 til 15 ára og 64 meðal 16 og 17 ára eftir að hafa farið yfir skrár úr gagnagrunnum á vegum CVS Health, HealthCore og Optum.
Bandarískir embættismenn hafa þegar komist að þeirri niðurstöðu að kvillarnir séu af völdum Pfizer og Moderna COVID-19 bóluefna, þó að bóluefnin hafi ekki verið með viðvörun í marga mánuði eftir leyfisveitingu. Einn möguleiki er of mikil ónæmissvörun af völdum lípíð-nanóagna. Novavax bóluefnið, sem var heimilað árið 2022, getur einnig valdið hjartasjúkdómum, segja yfirvöld.
„Þessar niðurstöður veita frekari vísbendingar um öryggi COVID-19 bóluefna hjá börnum,“ sögðu rannsakendurnir.
Ótrúverðugar niðurstöður
Dr. Peter McCullough, hjartalæknir, var ósammála þessu.
„Ég tel að þessi gögn endurspegli stórkostlegt vanmat á tíðni og alvarleika hjartavöðvabólgu af völdum COVID-19 bóluefna,“ sagði McCullough við The Epoch Times. Hann er einn þeirra sem hefur kallað eftir því að Pfizer bóluefnið verði tekið af markaði sökum hættunnar.
Frá því að FDA og Sóttvarnarstofnun Bandaríkjanna (CDC) viðurkenndu um mitt árið 2021 að bóluefnin gætu valdið hjartabólgu hafa komið fram yfir 200 ritrýndar rannsóknir og yfir 100 banvæn tilfelli, aðallega meðal ungra karlmanna á aldrinum 18–24 ára. Í sumum af þessum tilfellum var staðfest með krufningu að COVID-19 bóluefnið hafi valdið hjartabólgu og leitt til dauða,“ samkvæmt McCullough. Þar á meðal voru fimm manns sem létust skyndilega í Þýskalandi og sex á Norðurlöndunum.
Norman Fenton, prófessor við Queen Mary háskólann í London, sagði að öryggiskröfur vísindamannanna standist ekki í ljósi þeirra staðreynda að rannsóknin sýni hættumerki um hjartavöðva- og gollurshússbólgu og ólíklegt er að börn muni njóta góðs af þessu Covid-19 bóluefni.
„Niðurstaðan rannsóknahöfunda um að „þessar niðurstöður séu frekari sönnun á því að COVID-19 bóluefni séu örugg fyrir börn“ er frekar fáránleg,“ sagði Fenton við The Epoch Times í tölvupósti.
Epoch Times segir nánar frá rannsókninni og áliti sérfræðinga.
