Sjónvarpsþættirnir Undir yfirborðið í umsjón Ásdísar Olsen hamingjufræðings og háskólakennara fjalla um lífsspeki, sálarlíf, mannlega möguleika og leitina að hamingjunni. Þættirnir eru framleiddir í samstarfi við fjölmiðlasamsteypuna Torg ehf. sem gefur út Fréttablaðið og rekur sjónvarpsstöðina Hringbraut, þar sem þættirnir eru sýndir.
Efni þáttanna er mjög fjölbreytt og hafa til dæmis fjallað um vitundarvíkkandi efni í geðlækningum, ástarfíkn, siðblindu o.fl. Ásdís leitast við að fjalla um „bleiku fílana heima í stofu" og allt það sem ekki má tala um.
Einn af þáttum Ásdísar sem stóð til að sýna 11. apríl sl. var rúmlega klukkustunda viðtal við Guðrúnu Bergmann rithöfund og lífstíls-og heilsuráðgjafa. Þátturinn rataði aftur á móti aldrei á skjáinn. Sagt var að honum hafi verið seinkað en hefur enn ekki verið sýndur.
Guðrún fjallaði í viðtalinu um trú sína og annað tengt andlegum málefnum sem hún varð opinberlega þekkt fyrir árið 1989 þegar hún opnaði verslunina Betra Líf.
Á þeim tíma sem þátturinn var tekinn upp var nýlega farið að boða Íslendinga í sprautur við Covid. Guðrún sem hefur töluvert tjáð sig um Covid bóluefnin, aukaverkanir þeirra, spillingu tengda bóluefnasamningum, gert athugasemdir við ný sóttvarnarlög Alþingis, o.fl. var einnig spurð út í bóluefnin sem hún hefur frá upphafi sagt að væru ekki bóluefni heldur lyfjameðferð (mRNA). Fyrir vikið hefur hún fengið á sig gagnrýni frá t.d. lækninum Ragnari Frey Ingavarssyni sem sagði í mars sl. „að auðvitað væru þetta bóluefni".
Síðan þá hefur komið á daginn að Covid bóluefnin veita hvorki vörn gegn smitum né veikindum og því virðist Guðrún hafa haft nokkuð til síns máls. Smit hér á landi ruku upp í ágúst sl. þegar um 90% fullorðinna höfðu verið bólusettir sbr. mynd hér neðar.
Menn geta svo spurt sig hvort þátturinn hafi ekki verið sýndur vegna skoðana Guðrúnar á Guði og andlegum málefni eða bóluefnunum sem hún segir vera lyfjameðferð.
