,,Ef þið þurfið örvunarskammt eftir að vera fullbólusett, fara í sýnatökur eftir að hafa verið fullbólusett, leggjast inn á spítala með Covid eftir að hafa verið fullbólusett, vera með grímur fyrir andliti eftir að hafa verið fullbólusett, halda fjarlægð við annað fólk eftir að hafa verið fullbólusett, búa við hertar aðgerðir og/eða lokanir eftir að hafa verið fullbólusett, þá er kominn tími til að viðurkenna. Þið hafið verið illa svikin."
(Dr. Adam Aneevit).

Hér neðar eru tvær myndir. Efri myndin er línurit yfir Covid tilfelli á Indlandi en sú neðri er fyrir Ísland. Indland er um 20% bólusett en Ísland 89% (12 ára og eldri). Um mánaðamótin júní/júlí höfðu 90% 16 ára og eldri verið fullbólusett. Stuttu síðar náði fjöldi smita hér á landi hámarki frá upphafi mælinga.

Á sínum tíma þegar Covid bylgja reið fyrir Indland leið varla sá dagur að helstu fjölmiðlar heims minntust ekki á fjölda smita þar; dauðsföll, indverska afbrigðið, tvöfalda indverska afbrigðið (sem síðar var breytt í Delta eftir mótmæli Indverja), Delta plús afbrigðið o.fl. Eftir að faraldurinn þar var kveðinn í kútinn heyrist lítið sem ekkert um Indland, sem notast hefur við snemmmeðferðir og annars konar lyf, t.d. Ivermectin.

Hver er staðan á Indlandi í dag? Landið er sama sem laust við Covid og varla hægt að þakka 20% bólusetningu þar um, með bóluefni sem virðist hafa þveröfug áhrif við það sem mönnum var sagt. Bóluefnið er augljóslega ekki bóluefni sem stuðlar að ónæmi eða kemur í veg fyrir smit eins og Kári Stefánsson forstjóri útlenska fyrirtækisins Íslenskrar Erfðagreiningar sagði í viðtali við Morgunblaðið fyrir um ári síðan: ,,Hef­ur bólu­efnið í 90% til­vika komið í veg fyr­ir Covid-19-smit í þriðja fasa lyfjaþró­un­ar­inn­ar. Það þykir feiki­lega góður ár­ang­ur, betri en ár­ang­ur­inn af flest­um in­flú­ensu­bólu­efn­um...Fyr­ir­tækið seg­ist geta fram­leitt 50 millj­ón skammta á þessu ári og 1,3 millj­arða skammta á næsta ári, en 1,3 millj­arðar skammta duga fyr­ir 650 millj­ón­ir manna. Helg­ast það að sögn Kára af því að hver ein­stak­ling­ur þarf tvo skammta af bólu­efni."

Í maí s.l. var síðan sagt frá því á leiðinni til landsins væru 1,4 milljónir skammtar af bóluefni bara frá Pfizer sem ætti að nota til ársins 2023. Þetta magn fyrir utan það sem landsmenn hafa þegar fengið í sig er heldur meira en tveir skammtar á mann.

Með öðrum orðum, landsmenn hafa verið sviknir og reikna má með ,,sóttvarnaraðgerðum" á meðan verið er að plata mannskapinn til að taka inn meira af ,,bóluefni" til ársins 2023. Bóluefnavottorð renna út einu ári eftir bólusetningu og þau er aðeins hægt að endurnýja með frekari bólusetningum. Yfirvöld virðast heldur ekkert kippa sér upp við að fjöldi tilkynntra aukaverkana vegna bóluefna eru nú 153 sinnum fleiri en árið 2019.

Hver ber ábyrgð á þessu svindli?