Til að það sé á hreinu þá hef ég alltaf sagt að það ætti að vera öllum frjálst val hvernig þeir (þær) kjósa að verja sig gegn COVID 19.

Persónulega þá tel ég það algjörlega fáránlegt hjá heilbrigðu fólki undir 50-60 ára að láta bólusetja sig þar sem það eru stjarnfræðilega litlar líkur á því að fólk í þeim hópi látist úr sjúkdómnum eða um 0,0003%. Sæmkvæmt nýjustu fréttum eru 190 á sjúkrahúsi í þessari bylgju og að þar af 60% bólusettir og 40% óbólusettir þá eru 114 bólusettir og 76 óbólusettir sem segir að smitun í landinu er meira drifin áfram af bólusettum en óbólusettum.

Ætla mætti að ef 100% af fólki væri bólusett þá væru samt sem áður innlagnir með smit á sjúkrahús um 135 í heildina. Það segir ótvírætt að bóluefnin verja fólk ekki fyrir smitun og virka bara alls ekki.

Það er umhugsunarefni að síðan COVID byrjaði í Febrúar 2020 þar til núna 16. Nóvember 2021 er búið að skima (PCR Test) 1,197,000 manns á Íslandi (bæði á landamærum og innanlands) og þar af hafa greinst 15,740 manns smitaðir af COVID eða um 0,13%. 522 hafa þurft að fara á sjúkrahús (3,33% af smituðum) 93 þurft að fara á bráðadeild (0,06% af smituðum) og 34 látist (0,21%). Uþb. 85% þeirra sem hafa látist eru meira en 80 ára gamlir og nánast allir með 2 eða fleiri undirliggjandi sjúkdóma.

Þegar litið er á heildartölur þá er það ljóst að hér er ekki um neinn faraldur að ræða þar sem dauðaprósenta úr COVID kvefinu eru 34 af 370,000 manns á 21 mánuði og aðeins 4 látnir á þessu ári, svo að ætla mætti að aðeins 4-6 manns deyji úr COVID á ári eða um 0,0013% dauðsföll.

Þrátt fyrir þessar tölulegu staðreyndir er öllu snúið á hvolf, fólk lokað af, frelsi skert, vinnustöðum lokað, skólum lokað, smit teymi út um allt takandi 1,2 milljónir sýna, sprautum dælt í 83% af þjóðinni (meira en 500,000 skammtar) og samt eru 190 manns á sjúkrahúsi og þar af 114 full bólusettir?

Þetta er greinilega ekkert að virka. Spurningin er síðan, hvað kostar þetta þjóðfélagið, 1,2 milljónir prófa plús 500,000 bóluefna skammtar, tap efnahagslífsins og síðast en ekki síst hliðarsetning annarra veikinda og sjúkdóma sem upp hafa komið og hafa verið vanræktir vegna ofuráherslu á COVID 19.

Hverjir eru það svo sem hafa hagnast gífurlega á öllu þessu brölti?