Ungt par sem er statt núna á fæðingadeild Landspítalans hefur sætt mikilli óvild og hótunum þar sem parið hefur hafnað örvunarskammti af Covid bóluefni.
Málsatvik eru þau að konan fór í 16 vikna sónar og mældist fóstrið þá alheilbrigt. Hún fór svo svo stuttu síðar í bólusetningu samkvæmt ráðleggingu læknis og ljósmóður. Í 20 vikna sónar greindist barnið aftur á móti með hjartagalla. Konan fór síðan aftur í sónar gengin sex mánuði á leið og greindist barnið þá vaxtarskert. Sökum þessa treysti parið sér ekki í örvunarskammtinn.
Parið mætti síðan á fæðingadeildina í gær en þar sem þau höfnuðu örvunarskammtinum var þeim tjáð að maðurinn gæti ekki verið viðstaddur fæðingu barnsins þar sem þau teljist óbólusett því sex mánuðir eru liðnir frá síðasta skammti. Parið var mjög ósátt við þetta og mótmælti en mættu þá dónaskap og hótunum frá starfsfólki spítalans.
Parið er utan af landi og hefur því í engin hús að venda hér í bænum og segir konan að varla geti maðurinn hennar beðið út í bíl á meðan, fyrir utan það að mikilvægt er að hafa manninn sinn sér við hlið í þessum aðstæðum.
Þar að auki eru miklar líkur á að flytja verði nýfætt barnið með sjúkraflugi rakleiðis til Svíþjóðar í hjartaaðgerð vegna hjartagallans sem greindist eftir bólusetninguna og er því ekki hægt að kalla þetta annað en alvarlegt mannréttindabrot, að brjóta með þessum hætti gegn foreldrum og nýfæddu barni.
Parið ætlar að leita síns réttar og lögmaður sem er með fleiri slík mál undir höndum hefur verið upplýstur um málið og búast má við hópmálsóknum á næstunni.
Þess má geta að Andri Ólafsson upplýsingafulltrúi Landspítalans hafði samband við blaðamann hjá Frettin.is í gær og bað um að frétt yrði leiðrétt. Hann sagði það ekki vera rétt að bólusetningin myndi fyrnast, en athygli vekur að enginn af yfirstjórnendum spítalans vildu staðfesta það og ekki heldur sóttvarnalæknir. Var því fréttin uppfærð en nú hefur annað komið í ljós og er því ekki að sjá á öðru en að upplýsingafulltrúinn sé notaður til að bera á milli rangar upplýsingar sem enginn vill ábyrgjast.
Tölvupóst upplýsingafulltrúans við blaðamann má sjá hér að neðan og einnig skjáskot frá ófrísku konunni, en vegna persónuverndarsjónarmiða eru nöfn ekki birt.
