Nú eru dönsk yfirvöld byrjuð að boða börn á aldrinum 5-11 ára í sprautur eða svokallaða bólusetningu gegn COVID-19 sjúkdómnum og foreldrar byrjaðir að fá skilaboð um að taka við boðinu fyrir hönd barna sinna. Frettin.is hefur borist dæmi um slíkt skilboð og í því segir meðal annars:
„Börn á aldrinum 5-11 ára hafa ekki ennþá fengið möguleikann á að vera bólusett. Börn verða sjaldan alvarlega veik af COVID-19 en bólusett börn stuðla að því að draga úr smitum. Á þann hátt stuðla þau að því að verja eldri og veikburða fjölskyldumeðlimi, þá sem eru ekki bólusettir og þá sem hafa upplifað takmarkaða virkni bólusetninga.“
Aldraðir og viðkvæmir sem hafa þegið sprautur eru með öðrum orðum ekki varðir, börn eru álitin vandamál fyrir þá hópa og þrátt fyrir að vera ekki í áhættuhóp og þrátt fyrir að sprauturnar virðist ekki veita trúverðuglega vernd þá skal sprauta þau til að verja aðra sem eru sprautaðir en bersýnilega óvarðir.
Athyglisvert er að sjá að börn eigi hér að nota til að verja fullorðna einstaklinga þeim ókunnugum sem hafa kosið að hafna bólusetningu.
Um leið eru rannsóknir hunsaðar sem sýna að útbreidd bólusetning dregur ekki úr smitútbreiðslu í samfélaginu og hefur meðal annars sóttvarnalæknir Íslands viðurkennt það.
Ónefnd er svo hættan sem hin nýstárlegu og tiltölulega lítt prófuðu efni í sprautunum virðist vera fyrir ungt fólk, sem er nokkuð sem framleiðendur efnanna í sprautunum uppgötvuðu aldrei eða földu.
Forvitnilegt verður að sjá hvaða röksemdarfærslu íslensk yfirvöld muni beita til að fá foreldra til að fylgja 5-11 ára börnum í lækningu sem er sennilega verri en sjúkdómurinn.
