Rannsóknin "Worldwide Bayesian Causal Impact Analysis of Vaccine Administration on Deaths and Cases Associated with COVID-19: A Big Data Analysis of 145 Countries" var birt í nóvember sl. af Kyle Beattie við háskólann í Alberta í Kanada. Náði hún til 145 mest bólusettu landa heims og byggt var á miklu magni opinberra gagna.

Rannsóknarteymið sá ástæðu til að gefa út sérstaka viðvörun til þeirra sem stýra ferðinni og hvetja til bólusetninga. Sagði teymið rannsóknina staðfesta fylgni milli bólusetninga og „verulegrar aukningar dauðsfalla.“ Þær upplýsingar ættu að vera „mikið áhyggjuefni“ fyrir þá sem hvetja til bólusetninga sem „lykilinn að því að öðlast aftur ... frelsi.“

Rannsakendur báru saman tímabilin fyrir og eftir að bólusetningar hófust til að sjá muninn á Covid-19 tilfellum og dauðsföllum.

Niðurstöður rannsóknarinnar sýna að bólusetning hafi sterka og tölfræðilega marktæka tilhneigingu til að valda auknum dauðsföllum sem og auknum Covid-19 tilfellum umfram það sem hefði verið án bólusetningar.

Aukning í heildarfjölda dauðsfalla á hverja milljón einstaklinga vegna COVID-19 í beinu orsakasamhengi við bólusetningar kom fram hjá 89,84% landanna.

Aukning í heildar fjölda COVID-19  tilfella á hverja milljón einstaklinga í beinu orsakasamhengi við bólusetningar kom fram hjá 86,78% landanna

Rannsóknin leiddi einnig í ljós að lönd sem skráð höfðu fæst COVID-19 dauðsföll árið 2020 (fyrir bólusetningar) voru að þola „hundruð eða þúsund prósenta aukningu á heildardauðsföllum“ eftir að COVID-19 bólusetningarnar byrjuðu.

Í rannsókninni kemur fram að lönd sem voru með fá COVID-19 dauðsföll árið 2020 koma verst út eftir að bólusetningarnar  t.d. Taíland, Víetnam, Mongólía, Taívan, Seychelles og Kambódía. „Orsakatengslin við bólusetningarnar sem sjá má í þessum löndum eru ýmist hundruð eða þúsund prósenta aukning á heildardauðsföllum og tilfellum á hverja milljón einstaklinga.“ Segir á bls. 56 í rannsókninni.

Rannsóknarteymið tók einnig fram að „Við getum verið tölfræðilega öruggust hvað varðar beina fjölgunar dauðsfalla sem tengjast COVID-19 og tilfella eftir bólusetningarnar, þar sem fyrir bólusetningarnar voru fá eða engin dauðsföll.“

Í samantekt skýrslunnar segir m.a á bls. 2:
Þessar niðurstöður ættu að hvetja þá sem taka ákvarðanir hver á sínum stað til að byggja þær á gögnum, ekki frásögnum, og byggja þær á aðstæðum á hverjum stað, frekar en alþjóðlegum eða landsbundnum kröfum um bólusetningar. Niðurstöðurnar ættu einnig að hvetja stjórnmálamenn til að byrja að leita annarra leiða út úr heimsfaraldrinum en fjöldabólusetningarherferðir.