Prófessor Ehud Qimron er yfirmaður örveru- og ónæmisfræðideildar við Tel Aviv háskólann og einn af fremstu ónæmissérfræðingum í Ísrael.

Opið bréf til heilbrigðisráðuneytis Ísraels:

Sannleikurinn leitar alltaf upp á yfirborðið fyrr eða síðar og sannleikurinn um kórónuveiruna nálgast nú yfirborðið. Þegar eyðileggingaröflin hrynja niður eitt af öðru er ekkert eftir nema að segja sérfræðingunum sem leiddu stjórn heimsfaraldursins - ,,við sögðum ykkur þetta!“

Tveimur árum of seint áttið þið ykkur loks á að ekki er hægt að sigra kórónuveiru sem leggst á öndunarfærin og að slík tilraun er dæmd til að mistakast enda margoft verið reynd. Þið viljið ekki viðurkenna það, því þið hafið nánast engin mistök viðurkennt á síðustu tveimur árum. En eftir á að hyggja er ljóst að ykkur hefur mistekist hrapallega í nánast öllum ykkar aðgerðum, og jafnvel fjölmiðlar eiga nú þegar erfitt með að fjalla um skömm ykkar.

Þið neituðuð að viðurkenna að veirusýkingin kæmi í bylgjum og myndi fjara út með tímanum, þrátt fyrir áralangar rannsóknir og vísindalega þekkingu. Þið staðhæfðuð í hvert sinn sem bylgjan fór niður að það væri ykkar aðgerðum að þakka og þannig ,,sigruðuð þið pláguna,“ með fölskum áróðri. Og aftur ,,sigruðu þið hana, og aftur og aftur og aftur.“

Þið neituðuð að viðurkenna að fjöldasýnatökur væru árangurslausar, þrátt fyrir að ykkar eigin viðbragðs-áætlanir hafi tekið það skýrt fram („Pandemic Influenza Health System Preparedness Plan, 2007“, bls. 26).

Yaakov Litzman, Heilbrigðisráðherra Ísraels

Þið neituðuð að viðurkenna að náttúrulegt ónæmi veiti margfalt betri vörn en Covid bóluefnin, þrátt fyrir að þekking og rannsóknir sýni að þeir bólusettu sem ekki hafa sýkst eru ekki með eins gott mótefni og þeir óbólusettu sem hafa sýkst og læknast af sjúkdómnum. Þið neituðuð að viðurkenna að hinir bólusettu væru smitandi þrátt fyrir rannsóknir sem sýndu annað. Byggt á öllu þessu vonuðust þið til að ná hjarðónæmi með bólusetningu - það mistókst líka.

Þið ákváðuð þess í stað að hunsa þá staðreynd að sjúkdómurinn væri tugum prósenta hættulegri fyrir áhættuhópa og þá sem eldri eru en þá ungu sem ekki er í  áhættu, þrátt fyrir þá þekkingu sem kom frá Kína strax árið 2020.

Þið neituðuð að samþykkja Barrington yfirlýsinguna, undirritaðri af fleiri en 60.000 vísinda-og heilbrigðisstarfsmönnum, sem og aðrar skynsamlegar áætlanir. Þið kusuð að hæðast að þeim, rægja þá, afbaka málflutning þeirra og gera lítið úr þeim. Í stað þess að fást við vandann með réttum aðilum sem þekkja til í þessum efnum völduð þið „fagfólk" sem skortir viðeigandi þjálfun og þekkingu við rétta meðhöndlun á heimsfaraldri s.s. eðlisfræðinga sem aðalráðgjafa ríkisstjórnarinnar, dýralækna, öryggisfulltrúa, fjölmiðlafólk o.s.frv.

Þið hafið ekki sett upp neitt skilvirkt kerfi til að tilkynna aukaverkanir af bóluefninu og skýrslum um aukaverkanir hefur jafnvel verið eytt af Facebook síðu ráðuneytisins. Læknar forðast að tengja aukaverkanir við bóluefnið, svo þeir verði ekki fyrir ofsóknum eins og margir kollegar þeirra hafa orðið fyrir. Þið hafið hunsað margar skýrslur um breytingar og raskanir á tíðarhring kvenna. Þið földuð gögn sem gera ráð fyrir hlutlægum og réttum rannsóknum (t.d. voru gögn um farþega á Ben Gurion flugvelli fjarlægð). Í staðinn völduð þið að birta hlutdrægar greinar í samvinnu við háttsetta stjórnendur Pfizer um virkni og öryggi bóluefnanna.

Óafturkræfur skaði á trausti

Þið hafið eyðilagt menntun barna okkar og framtíð þeirra. Þið létuð börnin finna til sektarkenndar og hræðslu, hafið valdið því að þau hafa hætt námi, leiðst út í neyslu, slegist og rifist í skólunum eins og skólastjórar um allt land bera vitni um. Þið hafið skaðað lífsviðurværi, efnahag, mannréttindi, andlega og líkamlega heilsu þjóðarinnar.

Þið rægðuð samstarfsmenn sem beygðu sig ekki undir stefnu ykkar, fenguð fólkið til að vera upp á móti hvert öðru og komið fram við þá sem kusu að láta ekki bólusetja sig sem óvini almennings sem þið segið dreifa sjúkdómum. Þið stuðlið á fordæmalausan hátt, að harkalegri stefnu mismununar, hunsið mannréttindi og val fólks til að taka upplýsta ákvörðun, þar á meðal barna.  Ákvörðun sem skortir allan faraldsfræðilegan rökstuðning.

Þegar þið berið saman eyðileggingarstefnuna sem þið stundið saman við skynsamlega stefnu annarra landa, er augljóst hvernig eyðileggingin sem þið hafið valdið, hefur einungis aukið fjölda fórnarlamba, til viðbótar við þá sem eru viðkvæmir gagnvart veirunni. Efnahagslífið sem þið hafið eyðilagt og atvinnuleysið sem er tilkomið ykkar vegna, og menntun barnanna sem þið hafið eyðilagt með stefnu ykkar. Þetta eru fórnarlömb eyðileggingarstefnu ykkar.

Það ríkir ekkert heilsufarslegt neyðarástand eins og staðan er í dag, en þið hafið skapað þess konar ástand sl. tvö ár sökum losta ykkar í völd og peninga. Eina neyðarástandið sem nú ríkir eru leikreglurnar sem þið viljið viðhalda og fáið til þess himinháár fjárveitingar og nýtið i hræðsluáróður og afvegaleiðingu þjóðarinnar, í stað þess að nota peningana til að styrkja heilbrigðiskerfið.

Þessu neyðarástandi þarf að ljúka!

Opna bréfið má skoða hér.