Freudísk mismæli er það kallað er undirmeðvitundin tekur völdin af mönnum og þeir segja óvart annað en það er þeir ætluðu að segja.
Slíkt kom fyrir George W. Bush nýverið er hann hélt ræðu til að fordæma innrás Rússa í Úkraínu en talaði um „ákvörðun eins manns um að hefja óréttlætanlega og grimmdarlega árás á Írak." Hann áttaði sig og tautaði "Írak, svosem" og tilkynnti að hann væri 75 ára áður en hann hélt áfram að gagnrýna Pútin og lofa hernaðarstuðning Bandaríkjanna við Zelensky.
Það að hefja átta ára stríð í Írak 2003 á upplognum forsendum (efnavopn og Al Queda) var að vísu líka ákvörðun Tony Blair en George W. Bush hafði talað fyrir innrásinni frá því hann var kjörinn. Frakkar og Þjóðverjar (Jacques Chirac og Gerhard Schröder) höfðu ekki reynst nógu leiðtamir svo Bush og Blair ákváðu sín á milli að nauðsynlegt væri að ráðast aftur á Írak eftir að Bush eldri hafði rústað öllum innviðum landsins með 90.000 tonnum af sprengjum í fyrra Flóastríðinu.
Hið sama kom fyrir Tedros Ghebreyesus, forstjóra Alþjóðaheilbrigðisstofnunarinnar (WHO) hinn 20. desember 2021 er hann lagði til að C-19 bústerar yrðu ekki notaðir til að drepa börn. Hann sagði um bústerana: „... svo að ef á að nota þá, þá er betra að horfa til þeirra hópa sem eru í hættu á að veikjast alvarlega eða deyja, fremur en eins og við sjáum að sum lönd gefa bústerana til að drepa börn, sem er ekki rétt að gera.“
Staðreyndatékkararnir kepptust við að fullyrða að Tedros hafi ekki ætlað að segja "kill", heldur stamað og ætlað að segja að ekki ætti að gefa börnum bústerana en þar sem fyrsta hljóðið í "kill" og "children" er ekki hið sama þá gengur sú skýring ekki upp.
Cathrine Axfors and John Ioannidis hjá Stanford háskóla komust að þeirri niðurstöðu eftir að hafa tekið saman niðurstöður 5 rannsókna að dánartíðni 0-19 ára sem hefðu sýkst af C-19 væri aðeins 0.0027%, svipuð og af venjulegri flensu. Það var aldrei nein ástæða til að bólusetja börn - hvað þá með efni sem hefur drepið börn og valdið þeim mörgum skaða.
Svo er það Joe Biden. Hinn 24. október 2020 stærði hann sig af „víðtækustu og yfirgripsmestu kosningasvindlsmaskínu“ er sögur fara af. Trúlega ætlaði hann að segja eitthvað annað, en að Biden hafi fengið mun fleiri atkvæði en sjálfur Obama án þess að svindla er óhugsandi.
Nýlega er komin út heimildarmyndin "2000 Mules" eftir Dinesh D’Souza þar sem sjá má sama fólkið koma margar ferðir með póstatkvæði og setja þau í þar til gerða kassa. Í Georgíu til dæmis, sem Biden vann með 30.000 atkvæða mun, töldu menn 250 "mules" sem gætu hafa borið hundruðir þúsunda atkvæða í kjörkassana. Ekki þurfa öll þau atkvæði að hafa verið fölsuð en þegar það fer saman að kjörskrár eru úreltar (menn fluttir eða dánir) og að kjörseðlar voru sums staðar sendir út án þess að menn bæðu um þá, þá myndast vissulega hætta á misferli. Andstaða demókrata gegn því að kjósendur sýni skilríki er líka grunsamleg.
