Laugardaginn 3. september stendur Íþrótta-og Ólympíusamband Íslands og Knattspyrnusamband Íslands í samsarfi við fyrirtæki Fastus, GE Healthcare og Ergoline fyrir fræðslufundi um hjartatengd vandamál hjá íþróttafólki. Fyrirlesari er Dr. Martin Halle, einn fremsti íþróttalæknir og hjartasérfræðingur Evrópu. Sjá nánar auglýsingu sambandsins neðst í fréttinni.
Meðal gesta verður Emil Pálsson sem nýlega kynnti að hann væri hættur að spila fótbolta eftir að hafa fengið tvö hjartastopp á sex mánuðum.
Aukin tíðni hjartatengdra vandamála íþróttafólks
Aukin tíðni öndunarvanda og hjartavandamála íþróttafólks undanfarið eitt og hálft ár eða svo hefur varla farið fram hjá nokkrum íþróttamanni eða íþróttaáhugamanni.
Fréttin.is hefur birt mikið af fréttum af íþróttafólki sem hafa fengið fyrir hjartað, lent í öndunarerfiðleikum á vellinum eða utan hans upp á síðkastið, sjá til dæmis þessa samantekt.
Hvað segja íþróttamenn um þessa áberandi aukningu hjartavandamála?
Fyrrum enska fótboltastjarnan Matt Le Tissier vakti í vetur athygli á þeim fjölda fótboltamanna sem væru að deyja eða fá fyrir hjartað og sagði:
„Þetta er ekki sjaldgæft, ég skal segja þér... ég hef aldrei séð annað eins. Ég hef spilað í 17 ár. Ég sá aldrei nokkurn leikmann á þeim 17 árum þurfa að fara af fótboltavellinum með öndunarerfiðleika, haldandi fyrir brjóstkassann, með hjartavandamál,“ sagði Le Tissier.
Í desember 2021 sagði ástralski fótboltamaðurinn Gary Dempsey á Twitter. „Ég var atvinnumaður í tæp 20 ár. Frá 1996. Spilaði tæplega 500 leiki. Heima og á alþjóðlegum vettvangi. Aldrei var eitt hjartastopp. Hvorki hjá áhorfendum né leikmönnum. Þetta er skelfilegt.“
Í janúar 2022 sagði Lee Johnson, þáverandi knattspyrnustjóri Sunderland, að hjartavandamálin sem væru að plaga markvörð liðsins, Lee Burge, gætu verið af völdum Covid bóluefnisins.
Í febrúar 2022 kom í fréttum að þekktasta fótboltalið Rúmeníu, Steaua Búkarest, hafi sett Covid bólusetta leikmenn liðsins í leikbann. Eigandi liðsins, Gigi Becali, segir að íþróttamenn missi kraft eftir bólusetningarnar og heldur því fram að þeir sem eru bólusettir deyi á sjúkrahúsum ólíkt þeim sem eru óbólusettir. Hann sagði leikmenn hjá Steaua Búkarest og leikmenn annarra liða vera í erfiðleikum eftir að hafa tekið bóluefnið og nefnd hinn 36 ára kantmann Ciprian Deac sem dæmi um að bóluefnið hefði áhrif á eldri leikmenn.
Í apríl 2022 var vinsæli ástralskur fótboltaþáttur á dagskrá, Sunday Footy Show, þar sem þáttastjórnendur ollu nokkrum usla. Stjórnendur og gestir fullyrtu að Covid bóluefnin væru orsökin fyrir mörgum hjartavandamálum og andlitslömunum, Bell´s Palsy, meðal íþróttamanna. Einn gestur þáttarins var íþróttamaður sem hafði lamast á annarri hlið í andliti.
Í apríl sl. steig einnig fram fyrrverandi NBA stjarnan John Stockton og sagðist vera með lista yfir „hundruð“ bólusettra íþróttamanna sem hafa „dottið niður dauðir á vellinum.“ Ástæðan fyrir umræðunni var sú að leikmaðurinn Ollie Wines þurfti að draga sig í hlé í ástralska fótboltaleiknum milli Port Adelaide og Melbourne. Þegar leiktíminn var hálfnaður varð Wines óglatt og fékk verk fyrir hjartað og þurfti að leggjast inn á sjúkrahús. Blaðamaðurinn Damian Barrett gaf til kynna að ekki væri enn vitað hvenær Wines gæti spilað aftur.
Í nóvember á síðasta ári var fyrrum enska fótboltastjarnan, Trevor Sinclair, gagnrýnd fyrir að dreifa „hættulegu rugli“ eftir að hafa spurt í beinni útsendingu hvort Sheffield United leikmaðurinn Fleck sem er þrítugur hafi hnigið niður á vellinum vegna Covid bóluefnanna, en slökkt var á útsendingu hjá talkSPORT um leið og Sinclair hafði sleppt orðinu.
