Knattspyrnustjóri Sunderland: ,,bóluefnin gætu verið ástæða vaxandi hjartavandamála“

frettinErlent2 Comments

Lee Johnson knattspyrnustjóri Sunderland, sem leikur í ensku 1. deildinni, heldur því fram að hjartavandamálin sem hafa plagað á markvörð liðsins Lee Burge gætu verið af völdum Covid bóluefnisins.

Óþekkt er að knattspyrnustjórar ræði þann möguleika að bólusetningar gætu verið að valda þeim fjölda hjartavandamála sem upp hafa komið í knattspyrnuheiminum síðastliðið ár.

Burge, sem er 29 ára, hefur verið úr leik með 1. deildarliðinu í allt að fimm vikur vegna hjartabólgu.

Markvörðurinn var einn af mörgum leikmönnum Sunderland sem greindust með Covid-19 í byrjun janúar. Allir eru þeir aftur komnir af stað fyrir utan Burge sem ekki hefur getað það vegna hjartavandamála.

Fengu örvunarskammt skömmu fyrir greiningu

Þann 21. desember sl. er haft eftir Lee Johnson í miðlinum Gazette að liðið hans væri á leið í örvunarskammt í „næstu viku, eða undir lok desember mánaðar. 8. janúar er síðan tilkynnt að nokkrir leikmenn liðsins, þar á meðal Burge hafi greinst með veiruna.

Stjóri liðsins Lee Johnson sagði á blaðamannafundi í gær, föstudag: „Þetta virðist gerast mikið eftir þessar sprautur eða Covid. „Covid gæti veri skýringin en þú getur ekki útilokað, býst ég við, bólusetninguna. Ég veit það ekki, ég er ekki læknir. Ég fæ upplýsingarnar og fyrsta hugsunin er leikmaðurinn. Er hann hress og í lagi og lifir þetta vel af og á langan feril.“

Johnson dró síðan örlítið í land og sagði að það væri „líklega Covid“ sem hefði valdið vandanum. Hann bætti við: „Þetta er líklega svolítið umdeilt. Ég veit ekki svarið.“

„Það gæti verið samspil milli þess þegar hann var með Covid og þegar hann fékk bóluefnið. Við vitum ekki nákvæmlega hvað olli þessu, það er líklega Covid.

„Í 4-5 vikur þarf Burge að halda hjartslættinum undir 100 slögum á mínútu og fara í blóðprufur og vonandi fer þetta aftur í eðlilegt horf.“

Fram kom einnig í frétt Daily Mail að um 25% af leikmönnum EFL forðist enn Covid bólusetningar.

Hjartavandamál eftir bóluefnin viðkvæmt mál?

Í lok nóvember sl. var fyrrum enska fótboltastjarnan Trevor Sinclair gagnrýnd fyrir að dreifa „hættulegu rugli“ eftir að hafa spurt í beinni útsendingu hvort Sheffield United leikmaðurinn Fleck sem er þrítugur hafi hnigið niður á vellinum vegna Covid bóluefnanna. Slökkt var á útsendingu hjá talkSPORT um leið og Sinclair hafði sleppt orðinu.

Mikil Covid veikindi þarf til að fá hjartabólgu

Í þessu sambandi má benda á viðtal við einn færasta bandaríska hjartalækni og faraldsfræðing, Peter McCollough, sem lýsir á einni mínútu muninum á hjartabólgum eftir Covid bólusetningar annars vegar og Covid sýkingu hinsvegar. McCollough segir þetta tvo ólíka sjúkdóma og að sá fyrrnefndi sé mun alvarlegri og að hjartavöðvabólga af völdum Covid eigi sér aðeins stað meðal þeirra sem verða mjög veikir af Covid og þurfi að leggjast inn á spítala vegna sjúkdómsins.

Eins má geta þess að augljós hjartabólgufaraldur  meðal íþróttamanna hófst ekki fyrr en árið 2021, eða eftir að byrjað var sprauta við Covid, þrátt fyrir að margir hafi fengið veiruna árið 2020.

2 Comments on “Knattspyrnustjóri Sunderland: ,,bóluefnin gætu verið ástæða vaxandi hjartavandamála“”

  1. Alvarlegar heilsufarslegar tilviljanir með örkuml eða dauða hafa verið í veldisvexti undanfarið ár. Hvers vegna skyldi það vera? Gerðum við eitthvað nýtt síðasta ár eða svo?

  2. Hann er að ýja að því sem aðrir þora ekki að nefna nafn enda fer hann mjög varfærnislega í þetta. Hann gerir þó meira en 99% af öðrum þjálfurum. Þessir menn eru undir þvílíkri pressu bakvið tjöldin að haldakjafti sama hvað. Það er byrjuð herferð í enskum blöðum sem byggist út á að sá fræjum í undirmeðvitund fólks um að allt að 300.000 Bretar búa við vandamál tengt hjartalokum án þess þó að vita það. Eru blöðum að undirbúa fólk undir faraldur í hjartaáföllum næstu mánuði og ár. Við vitum betur.

Skildu eftir skilaboð