Hallur Hallsson skrifar:

Myndin hér að ofan af Joe Biden er táknræn. Biden steytir hnefa þegar hann flytur ræðu þar sem hann lýsir MAGA-hreyfingunni – Make America Great Again – mestu stjórnmálavakningu bandarískrar og vestrænnar sögu sem þjóðarógn, öfgafullri hættu fyrir Bandaríkin; Enemy of the State, óvinir ríkisins. Kristin gildi og vestræn siðmenning eru miðgildi hreyfingar sem fer svo í taugar Biden. Táknmál Biden er skýrt, satt best að segja hrollvekjandi. Rauð flóðljósin og hermenn í bakgrunni gefa fasízkt yfirbragð, ekki satt? Ræðan var flutt í Independence Hall í Fíladelfíu þar sem Sjálfstæðisyfirlýsing Bandaríkjanna var undirrituð! Prufið að skipta út MAGA og gyðingum í ræðu Bidens. Hvernig haldið þið að sagan dæmi þennan mann ...

CROSSFIRE HURRICANE & RÚSSA-GALDUR

Biden er nýbúinn að siga lögreglu á Mar-a-Lago heimili 45. forseta Bandaríkjanna þar sem FBI agentar vopnaðir vélbyssum vísuðu lögmönnum Donalds Trump á dyr áður en þeir grömsuðu í eigum fjarstadds forsetans, eiginkonu Melanie og hinum 16 ára gamla Barron. Árásin á pólitískan andstæðing er fordæmalaus í bandarískri sögu, raunar vestrænni. Hún hefur mælst illa fyrir í Bandaríkjunum en leiðtogar Evrópu þegja þunnu hljóði.

Sú spurning er áleitin hvers vegna dómsmálaráðherra Bidens, Merrick Garland fyrirskipaði árásina á heimili Trumps. Þann 19. janúar 2021, daginn áður en forsetinn yfirgaf Hvíta Húsið aflétti Trump leynd á skjölum er vörðuðu Crossfire Hurricane og Russia-Gate; njósnir FBI á Donald Trump og Rússa-galdur þar sem ofinn var lygavefur um að Trump væri rússneskur útsendari Pútíns Rússlandsforseta. Með húsleitinni vildi FBI komast yfir skjöl í fórum Trump sem varða Rússa-Galdur og hann hafði tekið með sér. Þann 24. mars 2022 höfðaði Trump dómsmál, svokallaða Rico-málshöfðun, sem tekur til spillingar og skipulagðra glæpa; samsæri og lögbrot FBI og demókrata. Málið snýst um uppgjör fyrir dómstólum um Rússa-lygi FBI og demókrata. Þetta er svakaleg kvika.

Biden rændi völdum í kosningunum 2020, líkt og ég hef rækilega tíundað og fram kemur í heimildamynd Dinesh D‘Souza. Í liðinni viku var frumsýnd í Hollywood My-Son-Hunter sem veitir innsýn í glæpi og spillingu þeirra feðga þar sem Laptop-from-Hell – Tölvan úr Helvíti leikur stórt hlutverk. Falsmiðlar hinna ofsaríku ásamt evrópskum ríkismiðlum, big-tech, facebook, twitter og rest þögguðu fréttir af hinni myrku tölvu Hunters Biden í aðdraganda kosninga 2020. FBI/CIA starfa sem Stasi demókrata.

TÖLVA-ÚR-HELVÍTI

Í samtali á dögunum við Joe Rogan lýsti Mark Zuckerberg stofnandi Facebook eftirsjá að tækni-risinn hafi þaggað fréttir um Tölvu-Hunters-úr-Helvíti fyrir kosningarnar 2020 vegna orða FBI. Fimmtíu njósna-agentar lýstu því yfir að um væri að ræða rússneskan áróður Pútíns. Facebook þaggaði glæpi Biden-feðga fyrir orð FBI/CIA í aðdraganda kosninganna 2020. FBI/CIA hylmdu yfir glæpi feðganna.

Joe Biden er ótýndur spillingarpési og glæpamaður, sem Vesturlönd elta út í fenið, þar á meðal Ísland. Það er stríð í Evrópu og fimbulvetur bíður álfunnar, fátækt, eymd, jafnvel hungur. Nato er ekki lengur varnarbandalag heldur fasízkur hernaðararmur glóbalizta í Washington, Berlín, Brussel og Davos hinna ofsaríku. Nokkrum klukkustundum eftir ræðu Bidens lýstu lítil sænsk kratahjörtu því yfir að Svíþjóðardemókratar séu ‘öfgafull ógn‘. Tilviljun ... Hvert stefnir? Vesturlönd fylkja sér að baki krimma og valdaræningja en þeir sem umvefja þjóðfána, kristni, vestræna siðmenningu og ættjarðarást eru uppnefndir fasistar ...

FORSETI UPP ÚR KJALLARA

Joe Biden hélt ekki marktækan kosningafund fyrir kosningarnar 2020. Hann dvaldi langdvölum í kjallara sínum í Delaware. Nokkrir tugir áheyrenda voru í Fíladelfíu. Í forsetakosningunum 2020 kusu 75 milljónir manna Donald Trump, 12 milljón fleiri en 2016 þegar hann bar sigurorð af Hillary Clinton. Snemma kosninganætur 2020 var Trump yfir í Pennsylvaníu svo nam 750 þúsund atkvæðum og 70% atkvæða höfðu verið talin, þegar talningu var hætt rétt rúmlega klukkan þrjú að nóttu; skellt var í lás, gluggar birgðir, eftirlitsfólki vísað á dyr og tölum breytt. Þegar Amería vaknaði var Biden yfir. Nokkrum dögum eftir ræðu Biden í Independence Hall var fullt út úr dyrum og þúsundir úti fyrir á MAGA-fundi Trump í Wilkes-Barre Pennsylvaníu. Ameríka veit hverjum klukkan glymur ...