Hallur Hallsson skrifar:

BANDARÍSKT PLOTT AÐ RÚSTA EVRÓPU ...

Með Úkraínu-stríðinu stefna Bandaríki Ameríku að því að knésetja Bandaríki Evrópu sem við þekkjum sem Evrópusambandið; heimsveldi sem Ameríka vill ekki upp á dekk. Sænski fréttamiðilinn Nya Dagbladet birti á dögunum leyniskjöl frá Rand-hugveitunni vestanhafs þess efnis að með stríði í Úkraínu vilji Bandaríkin lama Evrópu sem keppinaut á hinu stóra sviði heimsmála. Markmið er að rústa samvinnu Rússa og Þjóðverja [Frakka í minni mæli] sem sé „... helsta efnahagslega og pólitíska ógn við Bandaríkin.“  Skýrslan hefur verið í fréttum víða um heim. Hugveitan er risabatterí, áhrifamesta think-tank apparat Ameríku með 1.850 bandaríska starfsmenn í 25 löndum og erlenda ráðgjafa í 50 löndum styrkt af Pentagon, US Army, Air Force, CIA og fleiri njósnastofnunum. Rand Corp er málpípa hergagnaiðnaðarins – military complex – sem Dwight Eishenhower forseti [1953-1961] varaði við skömmu áður en hann lét af embætti. Gústaf A. Skúlason fréttamaður Útvarps Sögu í Svíþjóð hefur greint frá hér á landi og sjá má á heimasíðu Sögu. Hið frjálsa og óháða Nya Dagbladet hafnar sænskum ríkisstyrkjum.

Rand 2019: Hvernig Rússland skal fellt

Þessu til viðbótar er greining Rand Corp frá í maí 2019: Overextending and unbalancing Russia þar sem lýst er áætlun um að fella Rússland af stalli sínum með því að magna deilur um Úkraínu. Ítalinn Manlio Dinucci Centre for Research on Globalization skrifaði um Randplanið í maí 2019 á Voiltaire undir fyrirsögninni: Rand Corp: How to bring down Russia. ‘Þeir útskýra strategíu að baki Nýju Köldu Stríði gegn Rússlandi. Þegar hefur hluta verið hrundið í framkvæmd en þessi uppljóstrun veitir okkur innsýn í raunveruleg markmið þeirra.“ Dinucci var framkvæmdastjóri Alþjóðasamtaka lækna gegn kjarnorkuvá sem fengu Friðarverðlaun Nóbels 1985. Fréttaveitan Transcend Media Service rifjaði upp plott Rand Corp í mars síðastliðnum nokkrum vikum eftir innrás Rússa í Úkraínu. ‘Hið strategíska plott Bandaríkjanna gegn Rússlandi er mótað af Rand Corp,“ segir í umfjöllun Trans Media sem vitnaði í umfjöllun Dinucci.

Hrun Evrópu óhjákvæmilegt

En aftur að uppljóstrun Nya Dagbladet um greiningu Rand Corp í janúar 2022 um afleiðingar stríðs í Úkraínu: „...Hrun Evrópu er óhjákvæmilegt,“ segir Rand Corp. Refsiaðgerðir gegn Rússum leiða til gas- og olíuskorts, hruns evrópsks efnahags og gjaldþrots. Fleygur verði rekinn í samband Þýskalands og Rússlands sem sé forsenda til að viðhalda yfirráðum Bandaríkjanna á meginlandi Evrópu í kjölfari Brexit. Þetta auðvitað blasti við og þurfti ekki snilling til en leiðtogar Evrópu eru pólitískir einfeldingar blindaðir af rétttrúnaði. Rand Cooporation hefur náin tengsl við Biden-stjórnina. Meðal viðtakenda eru Ron Klain, starfsmannastjóri Hvíta Hússins, Jake Sullivan þjóðaröryggisráðgjafi, Antony Blinken utanríkisráðherra, William Burns forstjóri CIA, Paul Nakasone forstjóri National Security Agency og stjórn Demókrataflokksins.

Rand Organisation hefur borið frétt Nya Dagbladet til baka, uppnefnir fréttina‚ „bizarre ... falsfrétt“. Carl Bildt fyrrverandi utanríkisráðherra Svía hefur vísað frétt Nya Dagbladet á bug sem „falsfrétt“. Bildt er ráðgjafi í evrópudeild Rand. Deilt er um áreiðanleika skjalsins sem er að vonum enda valdið miklu uppnámi, fakt-tékkarar á yfirsnúningi að ritskoða og fésbók blokkerar en þrátt fyrir að rigni eldi og brennisteini stendur Nya Dagbladet við frétt sína.

Rand misreiknar dæmið

Ekki verður annað séð en hinir faglegu sérfræðingar Rand hafi misstigið sig illa í greiningu: “Ráðast verður á Rússland þar sem landið er veikast: efnahagur landsins er afar háður útflutningi á olíu og gasi. Grípa verður til efnahags- og fjárhagslegra refsiaðgerða. Evrópa verður að draga úr innflutningi á rússnesku gasi, og flytja inn í staðinn bandarískt gas. Nauðsynlegt er að hvetja til mótmæla í Rússlandi og grafa á sama tíma undan ímynd Rússa erlendis. Á hernaðarsviðinu verða evrópsk Nato-lönd að efla herafla sinn í and-rússneskum tilgangi.“ Hér er talað tæpitungulaust en raunveruleikinn er allt annar og Vesturlönd hafa skotið sig í fótinn.

Efnahagsþvinganir Evrópu og Ameríku hafa þegar leitt til ofsahækkana á olíuverði og orkuskorti beggja vegna Atlantsála, korn- og vöruskorti. Hið rússneska Gazprom hefur hætt sölu á gasi og olíu til Evrópu. Gas rennur ekki um olíuleiðsluna Nord Stream 2 til Þýskalands heldur selja Rússar gas og olíu til Kína, Indlands og víða um heim. Þetta sáu „fagmenn“ Rand ekki fyrir. Rússar hafa stuðning Kína, Indlands, S-Afríku í gegn um efnahagsbandalag BRICS. Hagnaður Gazprom hefur rokið upp úr öllu valdi og rúblan er nú sterkasti gjaldmiðill heims. Rússland hagnast en Evrópu bíður frostaveturs og efnahagshruns.