Rafmyntakauphöllin FTX sem hóf starfsemi árið 2019 og var einn helsti styrkaraðili demókrata í Bandaríkjunum auk þess að vera með tengsl við auðmannasamtökin World Economic Forum (WEF) varð gjaldþrota 11. nóvember sl. Margir milljarðar dollara eru horfnir úr rekstrinum, eins og Fréttin hefur sagt frá.

FTX hneykslið skekur nú Bandaríkin þar sem ljóst er að FTX hefur verið að nota peningaþvottavél til að koma milljörðum dollara sem sagðir voru eiga að fara til styrktar Úkraínu aftur til Bandaríkjanna. Milljarðarnir hafa að stórum hluta endað í vösum stjórnmálamanna og félaga þeirra og um er að ræða stærstu Ponzi svikamyllu sögunnar.

FTX notað til að fjármagna sýndarrannsókn

Alltaf er eitthvað nýtt að koma fram um FTX og hvert Sam Bankman-Fried stjórnandi þess deildi út peningunum sem hann komst yfir og gerði þannig FTX á endanum gjaldþrota.

Nú hefur verið rifjað upp að FTX setti meira en 18 milljónir dollara í sýndarrannsókn sem átti að snúast um það að Ivermectin og Hydroxychloroquine virkuðu ekki gegn COVID-19. Í „rannsókninni“ sem fram fór 2020-2021 var því haldið fram að þessi lyf virkuðu ekki á COVID-19 og því var rannsókn á virkni þeirra hætt þar sem hún væri tilgangslaus (futility).

Niðurstaðan hentaði lyfjarisunum, bóluefnafjárfestum eins og t.d. Bill Gates, og þeim sem gengu erinda þeirra. Þá hentaði hún ekki síst "Great Reset" markmiði auðmannasamtakanna World Economic Forum sem rak stífan áróður fyrir upptöku „bóluefnapass“a til að geta stýrt og takmarkað frelsi almennings.

Í maí 2022 hrósaði FTX sér einmitt af því að hafa sett meira en 18 milljónir dollara til að styðja þessa áróðursrannsókn. Niðurstaðan úr henni var notuð til að hindra aðgengi og notkun almennings á Ivermectin og Hydroxychloroquine við COVID-19. Ýmsar frásagnir má finna um ágæti þessara lyfja gegn COVID-19 eins og t.d. þessa frá Indlandi og þessa frá Brasilíu.