Fram kom í síðustu viku að Alþjóða handknattleikssambandið geri nú kröfu um að leikmenn og starfsmenn HM verði að vera „fullbólusettir“ (tvær til þrjár sprautur) til að mega taka þátt í mótinu og þurfi að fara í viðbótar Covidsprautu, séu meira en 270 dagar liðnir frá þeirri síðustu.

Róbert Geir Gíslason, framkvæmdastjóri HSÍ, sagði í samtali við Stöð 2 „að þessar reglur hafi komið þeim gríðarlega á óvart miðað við það sem búið var að ræða í aðdragandanum og að leikmenn og starfsmenn væru óánægðir með að verða að fara í viðbótar bólusetningu. Óánægjan væri þó ekki aðeins bundin við íslenska hópinn heldur líka önnur lönd.“

Spyrja má hvaða vald Alþjóða handknattleikssambandið hafi til að þvinga fólk í sprautur sem eru á rannsóknarstigi til u.þ.b. júní 2023. Einnig má spyrja hver tilgangurinn sé í ljósi þess að fyrir þó nokkru kom í ljós að þessi svokölluðu „bóluefni“ koma ekki í veg fyrir dreifingu smita, enda var það aldrei rannsakað. Hvers vegna þurfa ungir og hraustir íþróttamenn að taka „bóluefni“ sem nú er aðallega mælt með fyrir gamalmenni og sjúklinga?  „Bóluefni“ sem t.d. Ástralir hafa nú mælt gegn að yngri en 30 ára taki vegna hættunnar á hjartavöðvabólgu? Það er ekki skyldubólusetning á heimsmeistaramótinu í fótbolta í Katar sem nú fer fram, hvers vegna á handboltamótinu í Svíþjóð og Póllandi? Sú „örvunarsprauta“ sem nú er verið að gefa fólki og samþykkt var af FDA í haust, var aldrei prófuð á mannfólki, aðeins átta músum. Hvaða áhættu er verið að taka hér á fólki sem ekkert hefur við þessi lyf að gera?

Ríkisstjóri Flórída hótaði Ólympíusambandinu með sektum

Það er misjafnt hvað menn láta yfir sig ganga. Til dæmis hafði stjórn Ólympíusambandsins ætlað að meina óbólusettu fötluðu fólki að taka þátt í leikunum í Flórída í sumar. Ríkisstjóri Flórída, Ron DeSantis, reis upp og sagði skyldubólusetningu varða við lög í Flórída og hótaði Ólympíusambandinu 27,5 milljón dollara sekt (tæpir 4 milljarðar kr.), félli það ekki frá þvingunum sínum. „Fólk þarf að hafa val í þessu sambandi, leyfið þeim að keppa. Við viljum að allir geti keppt,“ sagði ríkisstjórinn.

Stjórn Ólympíuleika fatlaðra lét undan þrýstingi frá embættismönnum í Flórída og felldi niður skyldubólusetningu fatlaðra íþróttamanna fyrir leikana. Allir fengu að taka þátt og réðu því sjálfir hvort þeir fengju „bóluefnið“ eða ekki.

Stundum er einfaldlega viðeigandi að segja nei!