Þann 17.08.21 var Nóbelsverðlauna lyfinu Ívermektin veitt markaðsleyfi á íslandi.  Margir læknar og heilbrigðisstarfsfólk höfðu þá uppgötvað undraverða eiginleika lyfsins til þess að vinna bug á þeim heilsuskaða sem bæði sýking og Covid bólusetning veldur.

Frá því að Ívermektin var uppgötvað þá hafa hundruðir milljóna manns þáð lyfið, einna helst í þróunarlöndum Afríku og Asíu, og er lyfið á lista WHO yfir nauðsynleg lyf.

Síðan læknar uppgötvuðu jákvæða virkni Ívermektin gegn Covid sýkingu þá hefur sú virkni verið staðfest með fjölda rannsókna.

Í viðtali við Epoch TV stöðina fer Dr Paul Marik (einn stofnanda FLCCC) yfir virkni lyfsins gegn alvarlegum afleiðingum Covid sýkinga og bólusetninga á líkama fólks.  Þar segir hann meðal annars að  “ef við værum að þróa nýtt lyf gegn Covid, þá myndi það virka nákvæmlega eins og Ívermektin.  Ívermektin veitir vörn gegn fjölda RNA vírusa, það er bólgueyðandi og það hjálpar líkamanum að eyða krabbameinsfrumum.”  

Rannsóknir staðfesta þessar fullyrðingar Dr Marik.  Þær sýna jákvæða virkni Ívermektin gegn SARS‑CoV‑2 veriunni sem veldur Covid, HIV veirunni sem veldur AIDS, Hepatovirus A sem veldur Lifrabólgu A og fjöldan allan af öðrum RNA og DNA veirusýkingum td. Zika, dengue, Gulu og Avian influenza A (Fuglaflensa) en undirtegundir hennar smitast í fólk.  

Einnig hafa rannsóknir staðfest kröftuga virkni Ívermektin gegn krabbameinsæxlum og útbreiðslu fjölda krabbameinsfruma.  

Dr Marik heldur áfram “Einnig bætir Ívermektin þarmaflóruna sem skaðast mikið við Covid sýkingu eða við bólusetningu gegn Covid.  Ívermektin er fjölvirkt lyf.  Það veitir vörn gegn Covid sýkingu, hjálpar líkamanum að læknast eftir Covid sýkingu og stuðlar að bata eftir skaða af völdum Covid bólusetningu.”

MS (multiple sclerosis) er langvinnur bólgusjúkdómur í miðtaugakerfinu (heila og mænu) þar sem ónæmiskerfið ræðst á mýelín sem er efni sem myndar slíður utan um taugaþræði sem ræður hraða og virkni taugaboða. Rannsóknir hafa staðfest getu Ívermektin til að endurnýja mýelín.  Einnig hafa rannsóknir staðfest getu Ívermektín til þess að stuðla að endurnýjun úttaugakerfisins.

Önnur virkni lyfsins lýtur að svokallaðri ónæmistemprun en það er sá eiginleiki lyfisins til að bæði örva ónæmiskerfið og jafnframt draga úr ofnæmis viðbrögðum líkamans.  

Dr. Steven Phillips hefur til fjölda ára ávísað á Ívermektín til skjólstæðinga sinna sem lækningu við mörgum undirliggjandi sjúkdómum. Hann náði meðal annars að lækna föður sinn af hjartasjúkdómi en föður hans hafði hrakað stöðugt í umsjá lækna í New York og var að lokum ekki hugað líf nema um hjartaígræðslu kæmi til. Eftir meðferð Dr. Phillips þá lifði faðirinn heilbrigðu lífi í 25 ár til dauðadags þá 89 ára að aldri.

Dr. Phillips telur notkun Ívermektins gæti verið árangursrík leið til að lækna króníska sýkingar sem rugla ónæmiskerfið og eru að valda langtíma taugaskaða.

Ívermektin er ódýrt lyf og er ekki háð einkaleyfum.  Það á það sameiginlegt með pensilíni og aspirin að vera náttúrulegt lyf en uppgötvun allra þessara lyfja leiddu til Nóbelsverðlauna.

Ívermektin var fyrst gefið markaðsleyfi árið 1987 og síðan þá hafa 3.7 milljarðar skammtar af lyfinu verið gefnir á heimsvísu.

Lyfið er mjög ódýrt í framleiðslu og kostar 12mg tafla af Ívermektin einungis kr.36 ef keypt er í apóteki í Delhi.

Hinsvegar, ef sami skammtur er keyptur í Lyfju í Ármúla, þá kostar hann kr.11,781 og er verðmunurinn 32,633%.

Til að skýra þennan stjarnfræðilega verðmun á milli Íslands og Indlands þá segir framkvæmdastjóri Acare ehf, sem er dreifandi Ívermektin á Íslandi, að íslenskt verð skuli fylgja því sem gengur og gerist í öðrum löndum Skandinavíu.  Þrátt fyrir þessa fullyrðingu er Ívermektin á Íslandi 85% dýrara en td. Í Svíþjóð en þar kostar 1mg af Ívermektin kr.530 í lausasölu.

Einnig má spyrja þeirrar spurningu að ef hægt er að nálgast Ívermektin á svo lágu verði í Indlandi, hvers vegna er það svona dýrt á Norðurlöndum?

Verð og kostnaður við meðferðarúrræði

Ef borinn er saman kostnaður við þá snemm meðferð (e.early treatment) sem FLCCC mælir með við uppgötvun Covid sýkingar  þá kemur einnig í ljós sá gífurlegi munur á kostnaði til einstaklinga miðað við hvort lyfið sé keypt á Íslandi eða á Indlandi.

FLCCC mælir með að einstaklingur taki inn 0.4 til 0.6 mg/kg af Ívermektin í lágmark 5 daga - sjá nánar.

Ef tekið er dæmi um einstakling sem vegur 75kg og er lítið veikur þá er mælt með að hann taki inn 0.4 mg/kg í lágmark 5 daga (Heimild: Dr Karl Snæbjörnsson).  Miðað við þetta þá myndi slík meðferð kosta kr.220,950 á Íslandi en ekki nema kr.675 á Indlandi.

Ef tekið er dæmi um einstakling sem vegur 90kg og er mikið veikur þá er mælt með að hann taki inn 0.6 mg/kg í lágmark 7 daga (Heimild: Dr Karl Snæbjörnsson).  Miðað við þetta þá myndi slík meðferð kosta kr.371,196  á Íslandi en ekki nema kr.1,134 á Indlandi.

Það má geta þess að Sjúkratryggingar Íslands taka ekki þátt í að greiða lyfið.

Höfundur þessarar greinar getur ekki séð að það sé neinn munur á þeirri útgáfu af Ívermektin sem seld er hér á landi og í Indlandi og er því ómögulegt að skilja verðmun sem lýst er hér að ofan.  Þess má geta að Indland er einn stærsti framleiðandi Ívermerktín í heiminum.

Ákall til aðgerða

Í ljósi þeirra ávinninga sem Ívermektin veitir gagnvart afleiðingum Covid sýkinga og bólusetninga auk fjölda annara sjúkdóma þá hljóta að vakna háværar spurningar um af hverju þessi gígantíski verðmunur er látin líðast á Íslandi.  Það hlýtur að vera mjög áríðandi  lýðheilsusjónarmið að landsmenn geti verndað heilsu sína gegn afleiðingum Covid á viðráðanlegu verði og aðgengi þeirra að meðhöndlun sé ekki hindrað með óheyrilegum, og leyfi ég mér að fullyrða, ónauðsynlegum kostnaði.  Ég kalla því eftir viðbrögðum heilbrigðisráðherra við þessari stöðu og hvað hann ætli sér að gera til þess að þessu óviðunandi ástandi ljúki sem allra fyrst.

Heimildir:

Viðtal við Dr. Paul Marik, Epoch TV

Um sögu Ívermektin og rannsóknir: https://covid19criticalcare.com/Ívermektin/

E-mail frá Baldri Arnasyni, framkvæmdastjóra Acare ehf. 09.01.2023

Verðkönnun framkvæmd í útibúi Hjärtat Apotek í Umeå Svíþjóð 5.01.2023

Verðkönnun framkvæmd í útibúi  Yamuna Chemist Dehli 6.01.2023

Greinin birtist fyrst á síðunni Substack.com 16 janúar 2023.