Duflað og dansað í Davos – Gleðikonur og glæný veröld

frettinArnar Sverrisson, Davos, WEFLeave a Comment

Eftir Arnar Sverrisson:

Eins og margir vafalaust hafa nasasjón af, koma saman til skrafs og ráðagerða í Davos í Sviss, helstu hugsuðir Endurræsingarinnar miklu, þ.e. áætlunar Alheimsefnahagsráðsins (World Economic Forum) um nýja veröld þaulbólusettra tölvumenna, öreiga, í stundarfjórðungsnjallborgum - og sem nasla skordýr fyrir fram tölvuskjáinn. Þingmenn funda þar í skjóli þungvopnaðrar herlögreglu.

Þeir sem meira eiga undir sér, fljúga á staðinn í einkaþotum. En íslensku mannkynsfrelsararnir láta sér líklega nægja „saga class“ á Icelandair. Gréta Túnberg hefur vafalaust hjólað frá Svíþjóð. 

Á nýlegu þingi var margt skrafað. T.d. flutti hinn fimi forsætisráðherra Finna, Sanna Marin, tölu um nauðsyn stríðs við Rússa, alveg eins og okkar eigin skjaldmeyjar, Katrín og Þórdís Kolbrún, hafa margsinnis gert, að ógleymdri Önnulenu, hinni þýsku, og Liz Truss, hinum misheppnaða forsætis- og utanríkisráðherra Breta - og síðast, en ekki síst, drottning þeirra, Úrsúla, sem tróð upp með vini sínum, Pfizerfurstanum, Albert Bourla

Markmið Alheimsefnahagsráðsins eru þau sömu og sjálfbærni markmið Sameinuðu þjóðanna, enda eru örlagavaldarnir í stórum dráttum þeir sömu. Hluti af mannkynsfrelsun beggja samtaka er t.d. afnám fátæktar, frelsun náttúrunnar frá mönnum og sérstök frelsun barna frá feðrum sínum og konum frá karlskröttunum yfirleitt. Það er líka kölluð valdefling kvenna og barna.

Eins og gefur að skilja er vændi kvenna litið hornauga á þingi Alheimsefnahagsráðsins eins og Íslendinga, enda er afnám kvennavændis eitt helsta baráttumál kvenfrelsara um allan heim – ekki síst á Íslandi. Það eru þó kvenréttindi talin, að konur selji blíðu sína löglega, enda þótt körlum sé bannað að kaupa hana. Þetta hafa hugsuðir Íslendinga við Austurvöll ákveðið.

Ég gæti sem best trúað því, að það færi hugmyndafræðilegur ónotahrollur um hreintrúarkvenfrelsara, sem verða vitni að leyniþinghaldinu í Davos. Það er ekki einasta fúlsað við skordýrahamborgurum, heldur dansa menn og dufla eins og í teitum finnska forsætisráðherrans. Á þinginu ríkir mikil gleði. Þar verða hugmyndafræðilegar hamfarir og beinskeyttar bólfarir með glöðum konum, sem þyrpast á þingið í Davos
.
Lena er ein hinna glaðbeittu kvenna. Hún tekur 700 evrur á klukkutímann, en gefur afslátt fyrir heilnæturþjónustu. Nóttin kostar 2.300 evrur að viðbættum ferðakostnaði.

Ég vona, að Alþingi Íslendinga mótmæli þessari ósvinnu. Allavega Katrín og Vinstri-græn.

Tilvísanir með grein má sjá hér.

Skildu eftir skilaboð