Milljarðamæringurinn Bill Gates, lengi þekktur sem einn fremsti talsmaður bóluefna í heiminum, kom mörgum á óvart í nýlegri ræðu í Ástralíu þegar hann viðurkenndi að það væru ýmis „vandamál“ með núverandi COVID-19 bóluefni.

Gates flutti erindi við Lowy Institute í Ástralíu sem var hluti af fyrirlestri: „Undirbúningur fyrir alþjóðlegar áskoranir: Í samtali við Bill Gates.“ Þar sagði hann meðal annars:

„Við þurfum líka að laga þrjú vandamál varðandi [COVID-19] bóluefnin. Núverandi bóluefni hindra ekki sýkingu. Þau eru ekki breiðvirk, þannig að þegar ný afbrigði koma upp minnkar vörnin og efnin hafa mjög stuttan endingartíma, sérstaklega hjá þeim sem þurfa á vörninni að halda,  sem er gamalt fólk.“

Yfirlýsingarnar komu sumum í opna skjöldu í ljósi langtíma stuðnings Gates við bóluefnaframleiðslu og fjárfestingar hans í bransanum og einnig stuðnings við ýmis samtök sem stuðla að alþjóðlegri bólusetningu.

Fjárfestingar Gates í mRNA bóluefnum sýna hagsmunaárekstra

Nokkrir sérfræðingar og fréttaskýrendur gagnrýndu Gates, en ekki vegna þess að þeir voru ósammála yfirlýsingu hans í  Ástralíu. Þess í stað héldu þeir því fram að hann hefði áður fjárfest mikið í mRNA bóluefnum á sama tíma og hann hvatti til alþjóðlegrar COVID-19 bólusetningarherferðar og studdi lögboðna bólusetningu.

Þáttastjórnendurnir Briahna Joy Gray og Robby Soave tóku erindi Gates fyrir þann 25. janúar í þættinum "Rising" og fóru yfir fullyrðingar Gates. Soave var sammála gagnrýni Gates á núverandi mRNA bóluefni og sagði:

„Hann neglir í rauninni þetta með vandamálin sem við erum að glíma við með bóluefnin: stuttur endingartími, ekki marktæk áhrif þegar kemur að smitdreifingu … ekki stórkostlegur ávinningur fyrir fullt af annars heilbrigðu og ungu fólki.

Robby Soave fjallaði þann 19. janúar sl. um „Facebook skjölin“ sem bentu til þess að Sóttvarnarstofnun Bandaríkjanna (CDC) hafi haft veruleg áhrif á efnisstjórnun og ritskoðun á samfélagsmiðlum og internetinu varðandi COVID-19 bóluefni og benti síðan á fyrri fjárfestingar Bill Gates sem stuðlaði að þróun mRNA bóluefnistækni.

Soave sagði: „Bill Gates var mikill talsmaður mRNA tækninnar ... hann var fjárfestir í BioNTech, sem þróaði mRNA bóluefnið fyrir Pfizer."

„Við vorum bara að lesa okkur til ,“ hélt Soave áfram, „[og] við sáum að Gates seldi mikið af þessum hlutabréfum á … hversu mikill var hagnaðurinn?

„Tífaldur,“ svaraði Gray. „Hann keypti fyrir 55 milljónir dollara í BioNTech árið 2019 og núvirðið er 550 milljónir dala. Hann seldi einhver hlutabréf … í lok síðasta árs, ég tel að það hafi verið, á verðinu rúmlega $300, sem er gríðarleg ávöxtun fyrir hann.

„Förum yfir málið,“ sagði fjölmiðlamaðurinn Soave:

„Við skulum skoða ferlið: [Gates] fjárfestir gríðarlega í fyrirtækinu BioNTech, „mRNA bóluefni eru frábær, þetta er framtíðin,“ hann talar um tímalínu bóluefnanna og hvernig við getum þróað efnið hraðar, „við gætum þurft að draga aðeins úr öryggismálum “ … Allt fer á fullt … selur hlutabréfin … græðir feikilega mikið … en núna er það „já, þetta er svo sem í lagi, gæti verið betra, en það sem við þurfum í raun er öndunarúði.“

Soave var þar að vísa í yfirlýsingu sem Gates hélt í Ástralíu þar sem hann sagði:

„Við teljum að við getum líka verið með, mjög snemma í faraldri, eitthvað sem hægt er að anda að sér sem þýðir að maður getur ekki smitast,  nokkurs konar „blokkari“, innöndunarúða sem hindrar smit“.

Hinn þáttastjórnandinn, Gray, vakti máls á hagsmunaárekstrum milli einstaklinga eins og Gates sem gegna mikilvægum störfum hjá lyfja- og bóluefnaframleiðendum og eyðslu ríkisstjórna á háum fjárhæðum skattgreiðenda til að kaupa þessar vörur.

Í stuttu máli er einn helsti talsmaður mRNA bóluefna, milljarðamæringurinn Bill Gates, að segja, að „bóluefnin“ sem hann talaði fyrir og fjárfesti í (en seldi hlutabréf fyrir stuttu, a.m.k. hluta þeirra), séu ekki lengur málið, þau virki frekar illa. Nú sé málið að kaupa úða til að anda að sér og hindra þannig smit.

Hér neðar má sjá erindi Gates og umræður þeirra Gray og Soave og nánar má lesa um málið hér: