Ef til vill hafa sumir velt fyrir sér áhuganum sem vaknaði hjá mér á átökunum í Úkraínu. Reyndar skil ég það, þar sem ýmsir vilja hvíla sjálfstæða hugsun á bakvið einfaldar liðaskiptingar og merkimiða. Einnig til að auðvelda sér lífið og öðlast um leið ódýra siðferðislega yfirburði, eins og vinsælt er í dag. Skiljanlega, þar sem að nútíminn er flókinn og samkeppnin í samfélagsmetorðum er hörð. Ekki bætir úr skák ritskoðun samfélagsmiða, hliðvarsla meginstraumsfjölmiðla auk upplýsingaóreiðunnar sem þeir birta í þágu stórfyrirtækja, en aðallega stjórnvalda hérlendis og erlendis. Fréttamennska þar sem stjórnvöldum og stórfyrirtækjum er veitt aðhald virðist liðin undir lok hjá þeim fjölmiðlum sem áður þóttu í fremstu röð.

Þannig vildi til að ég fylgdist með rannsóknarblaðamanni sem gengur undir dulnefninu Clandestine, og öðrum slíkum sem heitir George Webb, fyrrum blaðamanni úr Washington D.C. Þeir höfðu báðir eytt talsverðri orku í að reyna að komast að hinu sanna í þokukenndum farsa kórónuveirutímans (SARS-Covid-2, Covid-19). Þegar Vladimír Pútín Rússlandsforseti, gaf það út sem eina af nokkrum ástæðum fyrir sérlegri hernaðaraðgerð Rússlands í Úkraínu, væri að stöðva sýklavopnarannsóknir á vegum Bandaríkjanna, þá grunaði mig strax að hann væri að segja satt. Hver vill líka hafa drepsóttir sem gætu orðið að faraldri í bakgarðinum hjá sér?

Í upphafi kórónuveirufaraldursins virtist mér sem sýkillinn hefði lekið af sýklarannsóknastofum í Wuhan í Kína - þó að síljúgandi meginstraumsfjölmiðlar hafi á þeim tíma bent á leðurblöku á matarmarkaði. Alveg eins og til að geta í leiðinni bent á Kínverja sem sóða sem borða ógeðslegan mat og magna þannig upp andúð Vesturlanda í aðdraganda stirðnandi samskipta stórvelda. Slegið tvær flugur í einu höggi.

Í upphafi komu vísbendingar í ljós sem var slökkt í snatri

Vera má að sagan um lekann í Wuhan sé sönn, en bandaríski vefmiðillinn Zerohedge greindi strax frá atvikum sem gætu bent til þess. Reikningunum þeirra var umsvifalaust lokað, bæði á Twitter og Facebook. Ég fylltist tortryggni út í kínversk stjórnvöld, en mér hefur ávallt verið í nöp við alræði, eins og stjórnarfarið í Kína er kynnt til sögunnar á Vesturlöndum. Ég var sannfærð um að þarna væri um að ræða enn eitt klúður kommúnistasstjórnarfarsins, jafnvel viljaverk stjórnvalda þar. En ég er alls ekki svo viss lengur. Sannarlega ekki eftir að bandarískir fjölmiðlar, í framhaldi af sviptingum á sviði alþjóðamálanna, vilja nú benda á sýklarannsóknastofu (sem hýsti þó samstarf Bandaríkjanna, Kína ofl.) í Wuhan í Kína sem sökudólg - af því að það hentar bandarískri utanríkisstefnu á þessum tímapunkti.

Ég vaknaði snemma morguninn 24. febrúar 2022, og mér skildist fljótt að Rússland hefði gert innrás og loftárásir víða í Úkraínu. Það næsta sem ég rak augun í var þessi Twitter-þráður frá Clandestine (mæli með að skoða hann allan):

1) HOLY SHIT! I think I may be onto something about #Ukraine.

Zelensky said the Russians are firing at “military installations”. How broad is that term?

I am seeing speculation that could include US installed biolabs.

At first I was like no way.

Then I started digging. pic.twitter.com/tm72HFAXNK

— Clandestine (@WarClandestine) February 24, 2022

Færslan hékk uppi í einhverja klukkutíma, þar til að woke starfsliði Twitter á þessum tíma var nóg boðið - eða kannski fengu þau fyrirmæli frá bandarískum leyniþjónustum - og lokuðu reikningnum hans. Hann birti áfram niðurstöður sínar á Substack og Telegram, en eðli málsins samkvæmt, varð hann minna sýnilegur. Þar til að Elon Musk keypti Twitter og opnaði reikninginn hans aftur.

Greining Clandestine á loftárásunum sem gerðar voru strax í upphafi sýna að ekki var hið einasta ráðist á herflugvelli, heldur virtust staðir sem hýstu starfsemi sýklarannsóknastofanna jafnframt hafa fengið að kenna á því. Hann benti í þessu samhengi á sýklavarnastarfsemi bandaríska varnarmálaráðuneytisins, eins og hún er kynnt á vefsíðu bandaríska sendiráðsins í Úkraínu.

Til viðbótar fyrirskipaði Zelensky samdægurs eyðingu opinberra gagna um sýklavopnasamvinnu Úkraínu og Bandaríkjanna, eða sama dag og rússneski herinn réðist inn í landið. Fyrir að því er virðist hreina slysni, sjónvarpaði bandaríska fréttastofan NBC News beint frá því þegar starfsmenn sáust brenna skjölum í stórum stíl fyrir utan byggingu Úkraínsku herleyniþjónustunnar í Kænugarði, og upptakan fór í dreifingu.

Remember when the Pentagon confirmed the US partnered w/46 Ukrainian Bioweapon labs?

And Hunter Biden secured millions for 1 of the labs - Metabiota?

Well now we have a 2/24/22 letter from Zelensky ordering the destruction of all gov’t files for Metabiota

I’m sure it’s nothing pic.twitter.com/KUZhgcHPoc

— DC_Draino (@DC_Draino) January 29, 2023

Uniformed men were seen burning documents outside the Ukrainian defense ministry intelligence headquarters in Kyiv.

Ukraine said some of its military command centers have been hit by Russian strikes, but this building appeared to be intact. pic.twitter.com/qvfBqTiHvm

— DW News (@dwnews) February 24, 2022

Rússland hafði óskað eftir samstarfi vorið 2021, en um leið sakað Bandaríkin um fikt við sýklavopn, við landamæri bæði Rússlands og Kína. Bandaríkin eru með samanlagt fleiri en 200 sýklavarnarannsóknarstofur annarsstaðar en í Bandaríkjunjum, þar af 46 í Úkraínu, en líka í t.d. Georgíu og Taiwan. Í framhaldi af innrás Rússa hafa Bandaríkin viljað flytja starfsemina þaðan til Póllands og Eystrasaltsríkjanna.

Kína og Rússland óskuðu eftir því haustið 2021, að Bandaríkin færu að Samningi um bann við þróun, framleiðslu og söfnun sýkla- (lífefna) og eiturefnavopna og um eyðingu þeirra (BWC). Löndin óskuðu eftir því við nefnd Sameinuðu þjóðanna, að viðhaft yrði eftirlit og gerð rannsókn á þessari ógagnsæju starfsemi á vegum bandaríska varnarmálaráðuneytisins og einkaaðila í samstarfi við það. Óbeint lá í þessu ásökun um að Bandaríkin ættu mögulega sök á kórónuveirufaraldrinum. Ekki var orðið við þessari ósk eða varnaðarorðum. 

Putin's chief security advisor Nikolai Patrushev calls for collaboration between Russia and the US, but at the same time accuses the US of running bioweapons labs along the borders of Russia and China. /1https://t.co/JFXsYnNqTz

— Artyom Lukin (@ArtyomLukin) April 8, 2021

Bandaríkin höfnuðu ásökununum sem „upplýsingaóreiðu“ og „rússneskum áróðri“. Meginstraumsfjölmiðlarnir gerðu lítið til að rannsaka málið frekar, jafnvel þó að aðstoðarutanríkisráðherrann alræmdi, Victoria Nuland, hafi viðurkennt tilvist starfseminnar fyrir þingnefnd. Áhugi fjölmiðla var jafnvel enn minni en hefur verið á Nordstream-hryðjuverkinu. Í ljósi þess að stóru lyfjarisarnir ýmist eiga þá, kaupa kostaðar umfjallanir eða auglýsa grimmt hjá þeim, getur maður þó dregið ýmsar ályktanir.

Hvaða aðilar standa að þessari starfsemi í samvinnu við Pentagon í Úkraínu?

Clandestine birti þessa yfirlitsmynd í Twitter-þræði fyrir nokkrum klukkustundum.

Meintir aðilar og tengsl við sýklavopnaframleiðslu Bandaríkjanna og Úkraínu.

Varla ætti að koma nokkrum á óvart að sjá nafn alþjóðlega ólígarkans George Soros þarna eða stóru lyfjarisana. En eitt fyrirtæki hefur oftsinnis birst í umræðum um sýklarannsóknir í Úkraínu. Það er Metabiota, sem er í eigu Rosemont Seneca fjárfestingasjóðsins. Sjóðurinn var stofnaður af forsetasyninum og Úkraínu-stórvininum, sbr. stjórnarseta hans í úkraínska Burisma-orkufyrirtækinu, Hunter Biden, og stjúpsyni bandaríska öldungardeildarþingmannsins John Kerry, Christopher Heinz. 

Ég rakst fyrst á Rosemont Seneca sjóð Hunter Biden fyrir fáeinum árum, í umfjöllun Peter Schweizer um brask Biden-feðganna í Kína, sbr. heimildamyndina Riding The Dragon, byggðri á samnefndri bók hans. Upplýsingar um Úkraínu-brask Hunter Biden í tengslum við Metabiota á að hafa verið að finna í talsverðu magni á fartölvunum (frá Helvíti) sem hann skildi eftir í reiðileysi hér og þar. Mest kemur ef til vill á óvart að sjá Eco Health Alliance á myndinni. Heilsustofnun sem nefnd hefur verið eins og glitrandi góðmennska og umhyggja fyrir umhverfinu og almannaheill, en lætur framleiða drepsóttir, að því er virðist.

Til viðbótar hafa borist fregnir frá Austur-Úkraínu um tilraunastarfsemi þessara fyrirtækja á landsmönnum þar. Tilraunir með HIV á hermönnum og föngum, tilraunir á sjúklingum á geðveikrahæli í Kharkiv, auk tilrauna á fátækum almenningi gegn peningagreiðslum. Talsverðu magni af peningaseðlum, smituðum með sýklalyfjaþolnum berklum, á einnig að hafa verið komið í umferð í Austur-Úkraínu. Erfitt er að leita að heimildum sem oft hafa einungis verið birtar á tungumáli sem notast við annað stafróf, annað en óstaðfestar upplýsingar og umræður á Telegram. Þetta gæti þó talist nokkuð áhugavert í ljósi frétta af fjölgun berklasmita á Íslandi undanfarið, samanber nýlegar fréttir af því hérlendis, jafnvel þó að óþarfi sé að hrapa að ályktunum að svo komnu máli.

Ósvífnar lygar og óheiðarlegur leikur að orðum

Rússland og Kína hafa sakað Bandaríkin um að framleiða til sýklavopn. Löndin óskuðu eftir að Sameinuðu þjóðirnar rannsökuðu málið sl. haust, en Bandaríkjamenn og NATO neita því staðfastlega að vera að framleiða „sýklavopn.“ Í staðinn nota þeir óljós hugtök eins og „ávinningur af virkni (e. gain of function),“ „stýrð þróun (e. directed evolution),“ „varnarrannsóknir (e. defencive research)“ o.s.frv. Mismunandi nöfn, en allt sami hluturinn. Banvænir sýklar.

Öryggisráð Sameinuðu þjóðanna hafnaði beiðninni, eins og svo oft áður þegar Bandaríkin þurfa að standa fyrir máli sínu.

Skjöl og önnur gögn sem rússneski herinn hefur komist yfir eftir innrásina, sýna að Bandaríkin voru að fikta við að búa til SARS-Covid-2 síðan árið 2015. Af og til hefur maður séð einkaleyfisskjöl fyrir bóluefni gegn þessari farsótt, sem einhverjir hafa deilt á netinu, með dagsetningum löngu áður en faraldurinn hófst! Margir furðuðu sig á sínum tíma á því, hve eldsnöggir lyfjarisarnir voru að búa til bóluefnin og koma þeim í umferð. Jæja, núna vitum við ef til vill af hverju.

SARS-CoV-2 er sýkill sem var búinn til á rannsóknarstofu, hannaður af mönnum og drap milljónir manna um allan heim. Gerir það SARS-CoV-2 að „sýklavopni“? Samkvæmt Alþjóða heilbrigðismálastofuninni WHO og Sameinuðu þjóðunum er ekki um ekki „sýklavopnaárás“ að ræða nema sýklunum sé sleppt „vísvitandi.“

Líklegt gæti talist að sýkillinn hafi fyrst sloppið út í borginni Wuhan í Kína, á síðari hluta ársins 2019. Spurningin nú er bara hvernig stóð á því. 

Ítarefni:

Hér er fersk kenning um hvernig málunum vatt fram í upphafi faraldursins: 

Fjölmiðillinn Redacted fer hér á mjög skemmtilegan hátt yfir málið (18 mín).