Þann 11. maí 1987 birti The London Times, eitt virtasta dagblað heims, algjöra „sprengju“ sem bar yfirskriftina: „Bóluefni gegn bólusótt kom af stað AIDS veiru.“
Í greininni segir að bóluefnaáætlunin sem hafði það markmið að útrýma bólusótt og styrkt var af Alþjóðaheilbrigðisstofnunni (WHO) hafi orsakað útbreiðslu alnæmis í Afríku. Tæplega 100 milljónir Afríkubúa í Mið-Afríku fengu bóluefnið frá WHO. Efnið var sagt hafa vakið úr dvala alnæmisveirusýkingu í heimsálfunni.
Ráðgjafi hjá WHO viðurkenndi: „Ég tel núna að bólusóttarkenningin sé skýringin á sprengingu í alnæmi.“
Robert Gallo, M,D., einn af þeim sem uppgötvaði HIV veiruna, sagði við The Times: „Tengslin á milli WHO áætlunarinnar og faraldursins er áhugaverð og mikilvæg tilgáta. Ég get ekki sagt að það hafi í raun gerst, en ég hef sagt í nokkur ár að lifandi bóluefni eins og notuð eru við bólusótt geti virkjað sýkingar sem liggja í dvala eins og HIV.“
Þrátt fyrir gríðarlegt mikilvægi þessarar greinar þögðu bandarískir fjölmiðlar algerlega um málið og Gallo talaði aldrei um hana aftur.
Í september 1987, á ráðstefnu sem styrkt var af National Health Federation í Kaliforníu, kenndi William Campbell Douglass, M.D., WHO um að hafa myrt Afríku með alnæmisveirunni.
Í endurútgáfu á erindinu sem fór víða og bar heitið „W.H.O. myrti Afríku“ sakaði Douglass stofnunina um að hvetja veirufræðinga og sameindalíffræðinga til að vinna með banvænar dýraveirur í tilraunum til að búa til ónæmisbælandi veiru sem væri banvæn fyrir mannfólkið.
Douglass vísaði í grein í útgáfuriti WHO (the Bulletin - bindi 47, bls.259, 1972) og vitnaði þar í kafla sem segir: „Það ætti að reyna að sjá hvort vírusar geti í raun haft sértæk áhrif á ónæmisstarfsemi. Möguleikann ætti að skoða, þ.e. að ónæmissvörun við veirunni sjálfri gæti veikst ef hin smitandi veira eyðileggur, meira eða minna, frumuna sem bregst við veirunni.“
Douglass sagði: „Það er alnæmi. Það sem WHO er að segja á venjulegu máli er: Við skulum búa til veiru sem eyðir T-frumukerfi mannsins, áunnið ónæmisbrestheilkenni (AIDS).“ Greinina í heild sinni má finna á google.com ("WHO myrti Afríku").
Í bók sinni frá 1989, 'AIDS: The End of Civilization.' fullyrðir Douglass að WHO hafi blandað bóluefnið sem fór til Afríku. Hann ásakar veirufræðinga heims, „galdramennina“ sem komu okkur í þessa skelfilegu plágu, að hafa sameinast um að neita því að veiran hafi verið gerð á rannsóknarstofu úr þekktum og banvænum dýraveirum. Hin vísindalega flokkslína er sú að api í Afríku með alnæmi hafi bitið innfæddan mann í rassinn. Sá innfæddi fór síðan í bæinn og smitaði vændiskonu sem síðan smitaði bankastjóra sem síðan smitaði konu sína og þrjár vinkonur, og já - 75 milljónir manna smituðust af alnæmi í Afríku. Algjörlega fáránleg saga."
Hér má einnig lesa grein í tímaritinu ScienceDirect um uppruna HIV-1, alnæmisveirunnar.
