Evrópska Lyfjastofnunin (EMA) mælti með því í október á síðasta ári að „miklar tíðablæðingar“ verði skráð sem aukaverkun af óþekktri tíðni af mRNA COVID-19 bóluefnunum Comirnaty og Spikevax (áður Moderna).
Miklar tíðablæðingar geta verið skilgreindar sem blæðingar sem einkennast af auknu magni og/eða lengd sem truflar líkamleg, félagsleg, tilfinningaleg og efnisleg lífsgæði konunnar. Tilkynnt hefur verið um miklar tíðarblæðingar eftir fyrsta, annan og örvunarskammt af Comirnaty og Spikevax. Þetta kemur fram í frétt á vef EMA. Upplýsingarnar eru ekki komnar inn á vef Lyfjastofnunar Íslands.
Í október 2021 skilaði óháð nefnd hér á landi niðurstöðum rannsóknar um tilkynnt tilfelli röskunar á tíðarhring í kjölfar Covid-19 bólusetninga. Nefndin taldi ólíklegt að osakasamhengi væri á milli fimm tilkynninga (langvarandi blæðingar) um alvarlegar aukaverkanir og bólusetningar. Niðurstöðurnar má lesa hér.
Meðal þeirra sem vöktu athygli á þessar tilkynningu EMA var Evrópuþingmaðurinn Christian Tehres sem sagði á Twitter:
„Miklar tíðablæðingar“ var bætt við af EMA sem aukaverkun „öruggu og áhrifaríku“ sprautanna frá Pfizer og Moderna, sagði ESB stofnunin 28.10.2022. Þeir gerðu fólk sem treysti þeim að tilraunarottum sínum.“
Fjöldi manns skrifar undir færslu þingmannsins og einn spyr hvort búið sé að bæta „skyndilegt dauðsfall“ á listann.
Í maí 2021 sagði forstjóri Sóttvarnastofnunar Bandaríkjanna að það væri engin ástæða til að halda að „bóluefnin“ myndu hafa áhrif á tíðarhringinn.
