Eftir Arnar Sverrisson sálfræðing:

Kynskiptamartröðin

Bandaríski læknirinn, Joseph Mercola, hefur skrifað fróðlega grein um kynskipti. Grein hans fylgir myndband um efnið: „Kynskiptamartröð. Sannleikur í þagnargildi“ (Trans Horror. The Unspoken Truth).

Samantekt höfundar er á þessa leið:

Börnin eru blekkt til að þiggja „kynstaðfestingar“ – kynvakameðferð og kynbreytingaskurðaðgerð. Þau fá aldrei gildar upplýsingar, svo þau megi gefa upplýst samþykki. Þau hafa ekki grænan glóru um, hvað er verið að teyma þau inn í. Það kemur mörgum fullorðnum jafnvel á óvart, hversu erfið og sáraukafull meðferðin er.

Vilji ung stúlka kynhverfast og verða strákur, dugar henni að sýna bréf þessari ósk til stuðnings frá ráðgjafa (therapist). Venjulega dugar ráðgjafanum eitt eða tvö viðtöl við stúlkubarnið. Frá ráðgjafanum liggur leiðin til innkirtlafræðings, sem skrifar lyfseðil fyrir karlkynvaka (testesteron), að loknu einu spjalli.

Sumar kynskiptamiðstöðvanna fara ekki fram á geðheilsumat af nokkru tæi og sjúkrastofur á vegum Fjölskylduáætlunarinnar (Planned Parenthood) virðast skrifa út lyfseðil fyrir kynbreytingavökum (horrmone replacement therapy – HTR) í fyrsta viðtali.

Það er ósatt, sem margir fylgjendur meðferðar með kynbreytingarvökum halda fram, að þeir séu skaðlausir, og áhrif þeirra afturkræf, hætti barnið að taka þá. Áhrif karlkynvaka á stúlku geta orðið bæði veruleg og til frambúðar. Það má sjá innan nokkurra mánaða frá upphafi meðferðar.

Það er ósatt, sem margir fylgjendur meðferðar með kynbreytingarvökum halda fram, að þeir séu skaðlausir, og áhrif þeirra afturkræf

Kynskiptahreyfingin er áfangi í gervimennskuáætluninni (transhumanist agenda). Þegar upp er staðið, er hið eiginlega markið með henni að losna við líkama af holdi og blóði og skapa tilvist í gervilíkama eða holdfirrtri geimveru (avatar) þriðju víddarinnar, nema hvort tveggja sé.

Umbreyting mannkyns í kynlausunga (misgendered people), ófæra um æxlun á eðlilegan hátt, er einungis eitt skref á þeirri vegferð.