Króatíski evrópuþingmaðurinn Mislav Kolakusic lýsti því yfir opinberlega á blaðamannafundi í Evrópuþinginu að Alþjóðaheilbrigðisstofnunin (WHO) ætti að vera yfirlýst sem hryðjuverkasamtök vegna þess skaða sem stofnunin hefur valdið og lyganna sem hún hefur dreift. „Í dag væri öruggara að skrifa undir samninga við kólumbískan eiturlyfjahring heldur en WHO“, sagði Kolakusic.

Kolakusic lýsti andstöðu sinni við tillögu WHO um að öll ríki skrifi undir samning sem veitir stofnuninni einni og sér heimild til að lýsa yfir heimsfaraldri og til að afla bóluefna og lyfja.

„Ég vil í stuttu máli gera fólki grein fyrir þeirri yfirvofandi hættu sem mannkynið stendur frammi fyrir,“ sagði Kolakusic. „WHO vill að öll ríki skrifi undir samning um að afhenda stofnuninni heimild til að lýsa yfir heimsfaraldri, útvega bóluefni og lyf. Það væri heilbrigðara og öruggara fyrir mannkynið að skrifa undir samninga við eiturlyfjahringi í Kólumbíu. Þeir vita fyrir víst allt um eiturlyf.“

Kolakusic sakaði WHO um að dreifa lygum á tímum COVID-19 faraldursins. Hann sagði að stofnunin með stuðningi Kínverja hefði villt um fyrir almenningi.

„Allt sem WHO sagði meðan á COVID-faraldrinum stóð voru lygar. WHO ættu að vera yfirlýst sem hryðjuverkasamtök. Þeir lugu. Að það væri ný og óþekkt veira, að hægt væri að búa til áhrifaríkt bóluefni, að bóluefnið væri með 82% virkni, að það verndaði gegn alvarlegum veikindum og dauðsföllum. Þetta var auðvitað allt heimskulegt og lygi,“ sagði ESB-þingmaðurinn.

Kolakusic sagði enn fremur að aðgerðir WHO í faraldrinum væru hættulegri mannkyninu en Alþjóðaefnahagsráðið (World Economic Forum).

Hér má hlýða á ræðu hans: