Hallur Hallsson skrifar:

Það voru diplómötum utanríkisráðuneytisins mikil vonbrigði að Volodymyr Zelinskiy kom ekki til leiðtogafundar Evrópuráðsins í Reykjavík, samkvæmt mínum heimildum. Zelinskiy átti að vera leynigestur Kötu og Dísu og pósa með þeim fyrir heimspressunni. Það var panik í Stjórnarráðinu þegar spurðist að Zelinskiy kæmi ekki.

Volo hafði átt að varpa dýrð á Kötu og Dísu; Glory-to-Kate-&-Disa. Þær misstu af 15 mínútna frægð. Zelinskiy sveik Kötu í tryggðum. Hún sem hafði faðmað Volo svo innilega í Kænugarði og fært honum 4.5 milljarða að gjöf. Icelandair þota hafði verið send til Rzeszow í Póllandi með ærnum kostnaði til að sækja leynigestinn en auðvitað stóð ekki til að sækja óbreytta blýantanagara með sköllóttan Denys Shmyhal, forsætisráðherra síðastan út úr þotunni á Reykjavíkurflugvelli. Dísa faðmaði Denys sem aðra stríðsherra Úkraínu.

Í Hörpu faðmaði Kata leiðtogana 46, misinnilega enda mismerkilegir. Kata og Dísa eru sármóðgaðar sem og öll diplómasía utanríkisráðuneytisins. Úkranska pakkið hefði auðvitað bara getað komið sér sjálft til Íslands úr því Volo skrópaði. Úkranir borga enga reikninga af stríðsvafstri sínu; allt er í boði vestrænna skattgreiðenda og 10% to the Big-Guy, follow the money. Dýrð sé Nato; Glory-to-Nato. Kannski Zelinskiy hafi fundist veski Kötu halló og rýrt.

Zelinskiy mætti einungis í gegnum fjarfundarbúnað í Hörpunni

Tjónaskrá Kötu í Líbíu

Tjónaskrá Kötu fékk örathygli. Enginn veit hver reikningur íslenskra skattgreiðenda verður. Semur Kata tjónaskrá fyrir Írakstríð Davíðs og Líbýustríð Kötu þegar hún var lítil og sæt í skjóli Steingríms Joð, Jóhönnu Sig og Össurar Skarpa. Skúrkarnir Saddam Hussein og Ghadafy drepnir eins og rakkar. Hún kannski bætir hryðjuverki Biden á Nord Stream á skrána og breska gamma geislaskýinu sem er yfir Austur-Evrópu í boði Rikka ríka Sunak. Fram kom í Silfri Egils að 3-4 milljarðar hefðu farið í tveggja daga leiðtogafund. Svo eru 4.5 milljarðar í vasa Zelinskiy eða bara í tómið. Hver veit.

Sunak stytti dvöl og strunsaði á braut eftir að vera neitað að ræða flóttamannavanda Evrópu. Suss, suss ekki varpa skugga á íslensku ráðstýrurnar sem dreymdi um heimsfrægð. Hægri-öfga-fígúran Kevin McCarthy vill endurskoðun á 170 milljarða dollara fjárfestingu Biden í Úkraínu. Forseti fulltrúadeildar neitar heimboði Zelinskiy. Litli visir með nýyrði um hægri-öfga-rasista; fígúrur. Fremur en að stöðva stríðið senda ráðstýrur okkar sjúkrahús á hjólum enda skal barist til síðasta Úkrana að sögn Nancy Pelosi fyrrum þingforseta. Hundruð þúsundir úkrana og rússa eru sagðir fallnir, týndir í orrustu, særðir og limlestir. Rússar eru bara orthódox slavar eins og Serbar sem Clinton úranbombaði í Belgrað. Serbar neituðu að skrifa undir tjónaskrá Kötu, líka Ungverjar, Tyrkir, Armenar og Azerar.

Hin slítandi leit Íslandsstofu

Íslandsstofa fékk það verkefni að skanna heimspressuna en það var slítandi leit. Á undirsíðu vores nordiske venner í Svíaríki fundust fjórar línur. Í stað þess að fljúga til Reykjavíkur skammaði Zelinskiy arabíska leiðtoga í Jedda og saug upp í nefið. Arabar munu tregir að opna veski. Zelinskiy hefur sjálfsagt vonast eftir saudískum riyölum. Saudar eru að hætta að nota olíudollar; petródollar sem er í frjálsu falli auk þess sem friður er að brjótast út í Mið-Austurlöndum eftir tveggja áratuga sprengjuregn Nato. Fyrir Úkraínustríð munu 70% heimsviðskipta hafa verið í dollar en eru nú sögð komin niður fyrir 50%. Vextir eru í hæstu hæðum. Skuldir Ameríku á barmi gjaldfalls. Í júní fer 81 þjóðarleiðtogi til fundar við Vladimir Pútin í Sánkti Pétursborg til að staðfesta þátttöku í myntkerfi BRICS á gullfæti; Brasilíu, Rússlands, Indlands, Kína og S-Afríku. Inngönguþjóðum fjölgar nánast dag frá degi. Hvað verður um Criminal-Biden nú þegar svikamylla tálsýnar höktir og petró-dollar á leið á ruslahaug sögunnar?

Bömmer í Hiroshima

Frönsk A-330 herþota skutlaði Zelinskiy frá Rzeszow Póllandi til Jedda Saudi Arabíu til Hiroshima í Japan í boði Macron sem skemmti sér svo vel með Xi Kínaforseta þegar van der Leyen var send sármógðuð heim frá Peking til Brussel skráð sem óbreyttur farþegi. Macron bauð henni ekki far á sinni einkaþotu. Þegar franska herþotan var lent í Hiroshima var Zelinskiy spurður hvort Bakhmut væri enn á valdi Kænugarðs. „Ég held ekki. Aðeins í hjörtum okkar; I think no. It is only in our hearts,“ hafði Reuters eftir Zelinskiy sem strauk nefið. Hann bar Bakhmut saman við Hirosima eftir kjarnorkubombu Ameríku. Biden var ekki skemmt. Maria Zakharova talskona Pútins sagði í Moskvu: „Vel gert [Volo]. Hvoru tveggja skipulagt í Hvíta Húsinu; Well done. Both arranged by the White House.“

Framvarðasveitir undir traustri leiðsögn CNN og BBC fóru í yfirgír að leiðrétta bömmerinn. Ein og sama fréttin fór um öll Vesturlönd á rauntíma; Trusted News Iniative. Haft var eftir Zelinskiy að Bakhmut væri grafreitur rússneskra hermanna. Margir dauðir Rússar; lot of dead Russians. Friðrik Jónsson helsti sérfræðingur okkar í hermálum sagði á Stöð 2: „Það gengur ágætlega [Bakhmut].“ Svona er líf spunameistara töff og slítandi.

Katrín og Macron heilsast í Hörpunni

Zelinskiy skrópaði hjá Lula

Áfram hélt hrakförin. Zelinskiy skrópaði á fund með Lula forseta Brasilíu. „Við mættum en var sagt að Zelinskiy væri seinn,“ sagði Lula og bætti við: „Hann kom ekki. Augljóslega annað að gera og vant við látinn.“ Eftir bömmerinn steig Zelinskiy um borð í frönsku herþotuna og flaug löngu leiðina heim; norður yfir Kyrrahaf, Alaska, Kanada, Grænland, suður Noreg til Rzeszow í Póllandi. Zel borgaði ekki brúsann enda á ölmusu vestrænna skattgreiðenda. Hiroshimaför Zelinskiy var líkt og stríðið; óvægin hrakför. Hann fékk bara skiptimynt frá Biden og loforð um næstum 50 ára gamlar F-16 orrustuþotur. Eins og sérfræðingarnir segja í New York Times: Úkraínustríðið er óvægin hrakför. War in Ukraine is Unmigitated Disaster.