Eftir Ingibjörgu Gísladóttur:
Sala á Bud Light heldur áfram að falla í Bandaríkjunum og hafði minnkað um 28.4% frá fyrra ári vikuna 6. - 13. maí. Kannski var það ekki góð hugmynd að nota trans áhrifavald barna á Tik Tok til að auglýsa bjór.
Sniðganga getur verið smitandi
Verslanakeðjan Target var einnig farin að óttast að lenda í sniðgöngu og færði LBGTQ vörur sínar frá því að vera við inngang verslunarinnar þangað sem þær voru ekki jafn áberandi og eins tók verslunin þær vörur sem viðskiptavinunum var sérlega illa við úr umferð. Þar mun um að ræða allar vörur frá trans-satanistanum Abprallen, sem hefur m.a. sent frá sér vörur með textanum „Smash the cis-tem“og „Satan respects pronouns.“ Einnig er í athugun að taka suman fatnað ætlaðan börnum úr umferð og sundfatnaður sem merktur er „tuck friendly“ og „light binding“ hefur valdið bæði kátínu og hneykslan hjá viðskiptavinunum. Augljóslega getur slíkur fatnaður gagnast transfólki en að stilla honum upp sem hann sé fyrir alla hefur vakið neikvæð viðbrögð.
Viðbrögð ríkisstjóra Kaliforníu, Gavin Newsom (D), voru að ásaka forstjóra Target um að láta undan öfgamönnum. „Þetta eru ekki bara nokkrar búðir í Suðurríkjunum. Það er í gangi kerfisbundin árás á hinseginsamfélagið vítt og breitt um landið“ tvítaði hann. „Vaknaðu Ameríka. Þetta er bara byrjunin. Ertu svartur? Ertu gyðingur? Ertu kona? Þú ert næstur.“
Hvort skal móðga kaþólska eða LGBTQ?
Áhugaverð deila er tengist hafnaboltaliðinu Los Angeles Dodgers er einnig komin upp. Hinn 16. júní á að halda regnbogasýningu eða -hátíðahöld og hafði hópnum Sisters of Perpetual Indulgence, sem er hópur sem hefur það að sérgrein að hæðast að kaþólskum nunnum verið boðið að taka þátt. Hópurinn klæðist einskonar nunnudragi og reynir að hneyksla með framkomu sinni. Eftir þrýsting frá kaþólikkum var ákveðið að hópurinn yrði ekki með en eftir þrýsting frá hinsegin aktivistum var aftur ákveðið að hann yrði með.
Regnbogahópurinn krefst réttinda sem minnihlutahópur og krefst þess að borin sé virðing fyrir hinsegin hugmyndafræði, menn missa jafnvel vinnuna fyrir að nota „röng“ persónufornöfn, en svo má hæðast að kaþólskum nunnum sem eru enn minni hópur. Samkvæmt Wikipediu voru aðeins 45.100 nunnur í BNA 2018 og 2016 voru 77% þeirra sagðar eldri en sjötugar.
Fulltrúar kaþólskra mótmæla. Erkibiskup í LA segir m.a. „Ákvörðunin um að heiðra hóp sem greinilega hæðist að kaþólskri trú og skensar einlæga trúarlega köllun kvenna okkar til góðra verka, kvenna sem eru hluti af kirkju okkar, hefur valdið vonbrigðum, áhyggjum, reiði og kvíða innan samfélags okkar“ og erkibiskup í San Fransiskó ásakar stjórnendur Dodgers um að tilbiðja aðra guði en kristnir. Hann segir: „Kaþólskar systur okkar helga sig óeigingjarnri þjónustu við aðra. Fólk sem hefði einhverja siðgæðisvitund myndi ekki hæða þær og guðlasta. Svo nú vitum við hvaða guði stjórnendur Dodgers tilbiðja...“
Hvaða guðir?
En hvaða guði er erkibiskupinn Salvatore Cordileone að tala um? Jú þann í Neðra að sjálfsögðu en einnig Mammon. Transmaðurinn Scott Newgent sagði á fundi með fréttamönnum í síðasta mánuði að lyfjaframleiðendur höluðu inn 1,5 milljónir dollara á hverjum einstaklingi er tæki inn hormónalyfin þeirra frá 14 ára aldri til 85 og svo bættist hagnaður lækna og sjúkrahúsa vegna kynskiptiaðgerða ofan á það. Leiðtoga Davos hópsins, sem þvinga fyrirtækin til að taka þátt í hinseginvæðingunni með ESG einkunnagjöf sinni mætti einnig flokka sem guði.
Það stefnir í áhugavert sumar vestanhafs: menningarstríðið, nýir forsetaframbjóðendur og fleira. Menn gætu jafnvel séð fram á bjórstríð ef Anheuser-Busch (framleiðandi Bud Light) ákveður að undirbjóða keppinautana á léttbjórsmarkaðnum, Coors, Miller og fleiri.
This press conference speech has gone viral over 2 million views and my email is filled with one question, "Did any of the reporters reach out to you?
— Scott Newgent (@NotScottNewgent) March 20, 2023
Answer: Yes, one, Brittney Bailey, but not in the way you would think a TV journalist would, inquisitive, yearning to get to the… https://t.co/DarFvhNOFq pic.twitter.com/SY9jVVOOJt
