„Mál mitt er léttvægt,“ sagði örverufræðingurinn Dr. Sucharit Bhakdi um þær ákærur sem hann var í vikunni sýknaður af fyrir dómstólum í Þýskalandi. „Þetta mál er aftarlega í röðinni hvað áhyggjur mínar snertir.“ Þar á hann t.d. við áhyggjur af Alþjóðaheilbrigðisstofnunni (WHO) sem krefst þess að fá fullveldi yfir heilbrigðismálum aðildarríkja á tímum heimsfaraldurs og Covid „bóluefnunum“ svokölluðu sem hann hefur varað við frá upphafi, þau geti m.a. leitt til krabbameins á svipstundu, segir hann.

„Daginn sem dómurinn var kveðinn upp sagði ég að ég væri líklega afslappaðasta manneskjan í réttarhöldunum, því ég hafði aldrei áhyggjur af sjálfum mér,“ sagði Bhakdi sem er Þjóðverji og Tælendingur, búsettur í Þýskalandi.

„Það eru önnur mál sem ég hef miklu meiri áhyggjur af, þannig að þetta persónulega mál mitt hvarf í skugga alls hins. Við höfum áhyggjur af WHO. Við höfum áhyggjur af svokölluðum mRNA „bólusetningum“. Allt annað verður bara léttvægt í sambanburði,“ sagði hann.

Dr. Bhakdi var sýknaður af tveimur ákærum að: „hvetja til uppþota“ og „gera lítið úr helförarinni“, á aðeins níu klukkustundum.

Hann sendi þakkir til dómarans og stuðningsmanna fyrir að bjarga „heiðri þýskrar lögsögu“.

Daginn sem úrskurðurinn var kveðinn upp hafði fjöldi stuðningsmanna safnast saman við dómshúsið eins og sjá má hér neðar. Meðfylgjandi er einnig viðtal við Bhakdi um dómsmálið: