Þann 2. nóvember síðastliðinn var haldinn blaðamannafundur í þingsalnum í höfuðborg Bandaríkjanna, Washington DC, um alvarlegar aukaverkanir Covid bóluefna. Meðal þeirra sem tóku þátt voru öldungadeildarþingmaður, læknir, lögmaður, þekktur íþróttamaður, flugmaður og fleiri. Þarna á meðal eru einnig einstaklingar sem voru sjálfboðaliðar fyrir Covid tilraunasprauturnar áður en þær voru gefnar almenningi.
Sögurnar eru sláandi. Um er að ræða andlát, lömun, alvarlega taugaskaða, sjálfsónæmissjúkdóma, rafmagnstilfinningu í líkamanum, sjóntruflanir, eyrnasuð eins og háþrýstihljóð sem hverfur ekki, stöðugan höfuðverk, heilaþoku, brunatilfinningu og óbærilega verki. Allir þessir einstaklingar eru óvinnufærir eftir bólusetninguna og varanlegir öryrkjar.
Athygli vekur að framleiðendum bóluefnanna ásamt sóttvarnarlækni Bandaríkjanna, Sóttvarnarstofnun (CDC) og Matvæla-og lyfjastofnun (FDA) var boðið á fundinn en ekkert þeirra mætti.
Ernest Ramirez er einstæður faðir sem tekur til máls en hann átti einn son sem hann ól einn upp frá því hann var ungabarn. Hann taldi sig vera að gera rétt með því að þiggja bólusetningu og fóru hann og sonurinn í sprautuna. Sonurinn lést tveimur dögum síðar. Ernest er með mikla eftirsjá og segist varla umbera það að vera alltaf einn í tómu húsi og hann sakni sonar síns mikið. Hann sagðist hafa talið sig vera að gera rétt og að sprautan myndi vernda soninn. Hann treysti heilbrigðiskerfinu en gerir það ekki lengur. Sonur hans var 16 ára þegar hann lést og hafði hann fengið Pfizer.
Flugmaðurinn Cody Flint fékk sprautuna og innan 30 mínútna fékk hann óbærilegan stingandi höfuðverk og brunatilfinningu sem leiddi aftur í háls, fann fyrir svima og miklum skjálfta um alla líkamann. Hann hefur farið í tvær aðgerðir í von um bata en engin breyting varð á. Hann heldur að hann geti aldrei flogið aftur og að sprautan hafi eyðilagt starfsferil hans, nokkuð sem tók hann langan tíma að byggja upp.
Dr. Joel Wallskog er skurðlæknir og er gráti næst þegar hann lýsir því að það hafi tekið hann 14 ár að læra sitt fag, en er nú óvinnufær eftir sprautuna. Hann hefur greinst með sjúkdóminn "trensverse mialitis" eða mergbólgu sem veldur miklum sársauka.
Kellai Rodriques er 35 ára gömul móðir sem áður var mjög heilbrigð, var daglega í líkamsrækt og stundaði snjóbretti reglulega. Eftir sprautuna missti hún tilfinningu í fótleggjunum og þarf í dag að notast við göngugrind. Hún er með stöðugan skjálfta í öllum líkamanum og á erfitt með að annast börnin sín. Hún fékk Moderna.
Móðir með unga dóttur sína sem er í hjólastól eftir sprautuna kemur líka fram og karlmaður sem segist hafa fengið sprautuna kl.10 að morgni og vaknað kl. 2 um nóttina, lamaður.
Blaðamannafundinn og þessar sláandi frásagnir má sjá hér að neðan.
The Highwire birti umfjöllun um málið.
