Tónlistarmaðurinn Friðrik Ómar vill að þeir sem ekki hafa fengið Covid bóluefni sitji heima hjá sér; fari ekki á bari, í verslanir, tónleika, leikhús o.fl. Allir ættu að sýna vottorð, skrifar Friðrik Ómar, hvert sem er farið og á hann þar væntanlega við bólusetningapassa sem margar Evrópuþjóðir hafa tekið í notkun. Söngvarinn segist heldur ekki vilja fá óbólusetta á tónleika sem hann heldur.

Athyglisvert er að heyra svona málflutning frá manni sem tilheyrir hópi sem hér á árum áður var ofsóttur og útskúfaður og merkilegt að hann stingi upp á aðskilnaðarstefnu gegn óbólusettum sem eru minnihlutahópur í þjóðfélaginu. Þar að auki hélt Þórólfur Guðnason sóttvarnarlæknir því fram í desember á síðasta ári að það þyrfti 60-70% bólusetningu til að ná hjarðónæmi, ekkert af þessu hefur staðist.

Látum vera ef þetta svokallaða bóluefni stæði undir nafni og hefði hér myndað ónæmi í samfélaginu eins og yfirvöld lofuðu. En nei, ekkert hjarðónæmi og ,,lausnin" er: fleiri sprautur af sama efninu sem kemur ekki í veg fyrir smit, ekki veikindi og ekki dauða af völdum Covid.

En í þessu sambandi og þá sérstaklega hvað varðar tónleika má nefna að þurft hefur að fella niður fjölda tónleika erlendis þar sem bólusettir tónlistarmenn hafa greinst með Covid, hver á fætur öðrum.

Engin vísindaleg rök hafa komið fram um að óbólusettir smiti meira út frá sér, en hins vegar hefur komið fram hjá Má Kristjánssyni yfirmanni sóttvarnardeildar að bólusettir einstaklingar smiti allt að sex manns, svokallaðir "super spreaders" og því óskiljanlegt að söngvarinn leggi til útskúfun gegn óbólusettum sem minnir á nazismann í seinni heimsstyrjöldinni þar sem gyðingar voru merktir með gulri stjörnu og höfðu m.a. ekki aðgang að mörgu sem almenningur hafði aðgang að og voru útskúfaðir í samfélaginu.

Spyrja mætti þá hvernig Friðrik Ómar tæki í það að vera spurður um kynhneigð við inngang á viðburði, væri það eitthvað sem honum þóknaðist?

Þessar umræður áttu sér stað á facebook síðu Friðriks Ómars og má sjá hér að neðan.