Norskir fjölmiðlar segja frá fölsun gagna og svindli hjá Pfizer BioNTech við prófanir sem voru forsenda fyrir leyfisveitingu Covid bóluefnisins. Það var tímaritið BMJ sem upplýsti að Pfizer hefði stundað umfangsmiklar falsanir við þriðja fasa rannsóknir á bóluefninu. Sænskir vísindamenn og læknar krefjast þess að notkun bóluefnisins frá fyrirtækinu verði stöðvað á meðan málið er í rannsókn.
Helsti uppljóstrarinn í þessu máli er Brook Jackson, fyrrum yfirmaður hjá rannsóknarstöðinni Ventavia í Texas. Jackson var yfir þremur af 153 rannsóknarstöðvum sem unnu við þriðja fasa prófanir á Pfizer bóluefninu og þar með 1000 sjálfboðaliðum af 44,000 sem tóku þátt í tilrauninni.
Hún sagði að starfsfólk sem vann við gæðaprófanir hafi verið sjokkerað yfir öllum þeim göllum sem uppgötvuðust. Jackson heldur því fram að Pfizer hafi falsað tölur og gögn og verið með ófaglært fólk í vinnu, seinkað útgáfu skýrslna um aukaverkanir af lyfjunum sem komu í ljós í þriðja fasa rannsóknarinnar . Pfizer hafði einnig áhrif á það hvernig þeir sem tóku þátt í rannsóknunum sögðu frá reynslu sinni af aukaverkunum bóluefnisins.
Jacksen sendi kvörtun til Matvæla-og lyfjastofnunar Bandaríkjanna (FDA) en var rekin umsvifalaust úr starfi.
Skýrslur sem sýna hjartavöðvabólgur og alvarlegan skaða á móðurlíf og frjósemi valda sænsku vísindamönnum hvað mestum áhyggjum.
Klínískar prófanir á bóluefni Pfizers voru sem sagt ekki gerðar samkvæmt ströngustu kröfum vísindanna.
Hlutabréf Pfizer BioNTech lækkuðu um 20% við fréttirnar.
Heimild: British Medical Journal
