Unglingsdrengur hér á landi sem fékk tvær sprautur af Pfizer hefur greinst bæði með hjartavöðva-og gollurshússbólgu.
Drengurinn byrjaði að veikjast tveimur dögum eftir síðari sprautuna þegar hann fór að finna til í brjóstholi, var mæðinn og andstuttur. Hann fékk einnig húðblæðingar og var með bletti á útlimum sem líktust marblettum. Farið var með strákinn upp á bráðamóttöku sem lá inni í sólarhring og var greindur bæði með hjartavöðva-og gollurshússbólgu. Læknar vildu ekki staðfesta að bólgurnar tengdust bólusetningunni en tóku heldur ekki fyrir það.
Strákurinn sem áður var fullfrískur og orkumikill hefur verið nánast orkulaus frá því hann veiktist, liggur fyrir að mestu og hefur ekki farið í skólann. Honum líður einnig illa andlega og vill alls ekki að vinir og skólafélagar viti af ástandi hans sem hann tengir beint við bólusetninguna.
Faðirinn hafði samband við Ölmu Möller landlækni og var fátt um svör hjá henni en hún sagði þó að engar sannanir væru fyrir því að þetta tengdist bóluefninu. Hann fór líka á fréttastofu RÚV og talaði við fréttamenn sem sýndu málinu engan áhuga.
Faðirinn sem er með mikla sektarkennd yfir að hafa látið bólusetja son sinn er staðráðinn í því að yngri börn þeirra hjóna fari ekki í bólusetninguna. Fjölskyldan hefur einnig ráðið til sín lögfræðing vegna málsins.
Í október höfðu Lyfjastofnun borist 18 tilkynningar um hjarta-og/eða gollurshússbólgu. Í þættinum Kveik 5. október sl. kom fram hjá hjartalækni að minnst 15 manns hefðu leitað upp á spítala með hjartabólgur eftir örvunarskammt.
Á síðu Lyfjastofnunar má sjá að 118 tilkynningar um grunaðar aukaverkanir af Covid bóluefnum tengjast hjartanu.
Hvað svör Ölmu Möller landlæknis varðar þá má rifja upp að hún hélt aftur rúmlega 2000 tilkynningum um aukaverkanir sem áttu reglum samkvæmt að tilkynna strax til Lyfjastofnunar.
Í þessu sambandi má líka benda á viðtal við bandaríska hjartalækninn Peter McCollough sem lýsir í stuttu máli muninum á hjartabólgum eftir Covid bólusetningar annars vegar og Covid sýkingu hinsvegar. McCollough segir þetta tvo ólíka sjúkdóma og að sá fyrrnefndi sé mun alvarlegri.
Einnig má benda á rannsóknargrein um hjartavöðvabólgu meðal barna eftir Covid bólusetningu sem virðist hafa verið of viðkvæm til birtingar.
